• ×

06:03 صباحًا , السبت 11 ربيع الأول 1438 / 10 ديسمبر 2016

سعادة معالي الوزير

زيادة حجم الخط مسح إنقاص حجم الخط
يقول الشاعر :

الحلم أكبر من الواقع

ويلومني إذا حلمت

يا الربع علوم تفقع المرارة وتدبل الكبد

هلحين تشوف لك واحد ماسول

حطته الدولة في هالمنصب عشان

يوقف على أحوال المواطنين ما حطته

عشان يقوم يترزز في هالبشت

ويطامر ويناقز أمام الفلاشات لا لا لا لا لا

حطته الدولة عشاني أنا يا المواطن

وأكثر من مره اسمع الملك الله يحفظه بذني ذي

اللي بياكلها الدود يزكن ويقول لهل الوزراء

من ذمتي لذمتكم أمانه أنشدكم عنها

بين يدي الله وأكيد سمعتوه كلكم

لكن تصدقون إن به ناس من هالوزراء

" ها انتبهوا أنا ما اتهم أحد "

لا يجيني واحد ويقول والله اتهمته وشككت في نزاهته

لكن في شي يخلي الرايح جي

شي يمخول المخ أبغى أنشدك يا معالي

حضرت جناب سيادة سعادة الوزير

اللي هو أنت يا وزير التجارة

وتستاهل كل الألقاب هذي وأظن

لو جت لك فرصة تلعب في كاس العالم

راح تجيب لقب الهداف أكيد لأنك تجيد اللعب

المهم أبي أنشدك هذا اللي قاعد يصير

هو إهمال من وزارتك يا وزير

أو إنه خارج حدود وزارتك

أو في أشياء ما تدري عنها يا سيادة الوزير

أهم شي سيادة وأخواتها ندرجها في الجملة

عشان تطلع جمله مفيدة على أصول

إذا كان هذا الشي ضحك على المواطن

أو إهمال أو منا وإلا منا فهذي كارثة

وإن كان ما تدري عنها يا سيادة الوزير فا الله يخارجنا

على العموم السالفة إن في رقم عندكم ما ادري حاطينه

تسكيته للمواطن أو وش قصته أو ..؟ 8001241616

هالرقم الله يسلمك يسمى خدمة الإبلاغ عن

ارتفاع الأسعار واسمع ناس مهبل طايرين

بها الرقم ما يدرون والله العظيم ما وراه فايده

ما به حد قافط هالرقم غيري

تدخل الدكان تلقى سعر وتدخل الدكان اللي جنبه

وتلقى سعر وهذا يفرق 20 % 30 %

طيب هلحين إذا بغيت أبلغ عن سعر مو عاجبني

لانه مرتفع وش المعايير ؟!

اللي حاطينها أنت وربعك وراح تحاسبون التاجر

عليها وتقولون له بموجبها يا تاجر سعرك غالي

هل الزمتوه بنسبة معينة وما التزم بها

هل حددت أنت ووزارتك الموقره تسعيره

أو إنك حطيت له معايير بس ما مشى عليها

طيب وش هي المعايير ؟

وهل عطيتوه نظام وقال معصي

أو إنك تارك الحبل على الغارب كلن يسعر من عنده

أو إنك راح تحاسبه بموجب أسعار البقاله اللي جنبه

ملاحظة : تم إبلاغ المحلات التجارية بوضع السعر

على السلعة ولكن من اللي حدد السعر ؟؟؟ طبعا العامل

من نفس المحل يعني حط السعر اللي براسه

هلحين قول لي بأي موجب راح تحاسبه

يعني بالخط العريض الرقم لتسكيت المواطن فقط

وأصلاً ترا ما يحتاج رقم وتخسر نفسك قيمة تلفون عشان

تسكت المواطن لأن المواطن ساكت ما يحتاج أحد يسكته

شف ازملانا في وزارة الصحة

وازملانا في وزارة المواصلات

ولا يهونون الباقين مسوين الهوايل

والمواطن سكتم بكتم

فمان الله

بواسطة : ساخر الفيفي
 5  0  1161
جميع الأوقات بتوقيت جرينتش +3 ساعات. الوقت الآن هو 06:03 صباحًا السبت 11 ربيع الأول 1438 / 10 ديسمبر 2016.