• ×

04:06 صباحًا , السبت 11 ربيع الأول 1438 / 10 ديسمبر 2016

ملابس داخلية بس !

زيادة حجم الخط مسح إنقاص حجم الخط
هالمرة جيتكم صاحي واصحى من الصاحي

أسبوع ما نمت عشان ما نبي نحلم ونضيق صدر أحد

لكن الظاهر من زود السهر جتنا سحكيه هـهـ

يا ضرب فيوز يا لذع سلك !

يعني إذا شطحنا وخثردنا شوي في بعض السوالف

العذر والسموحة ما علينا حرج

هذا السهر وما يسوي

أول شي طحيمر يسلم عليكم سلامن كثير

الرجال تهور ودزها المانيا

أخونا لقط حرمه المصون وعواله ووينك يا برلين

ويقول إنه إن شاء الله بالكثير أسبوع هـهـ

حولها عشرتيام وهو جاي

يقول ألمانيا هالأيام حر ما تنبغى " إي هين "

جاهم اللي ينزل الرطب ما راح يطول

لكن له لزومن هناك بيقضيها ويعود

إذا أحد يبي له مضير وإلا سمن وإلا هـهـ وإلا منا وإلا منا

لا يستحي دحنا أخوات..

الحاصل البارح جاني طحيمر متكشخ بذيك البدله والكرفته

كانه أبو شكيم والصلعة تقول صلعة وليد جنبلاط

( كابرس ربع تنده )

وأنشده على وين مع ذا الليل ناوي تسري يا جنبلاط !!!

قال تخبر لما دزيتني لأوروبا في ذيك السفره

عينت لي هناك دكان يقال له دكان عويده

للملابس النسائية واللي تشتغل فيه " بنية " مره

قلت يهبون هاليهود إينه فين يا طحيمر

قال أبد أول ما تدخل ألمانيا

تخلي الشمس على حجاجك الأيسر

وتخلي ديرة آل نازي على يمينك

وقعد يوصف لي دواعيسن

ادخل من داعوس واطلع في داعوس الين قال تلقى دكان الماخوذه

تخبرون طحيمر ما شاء الله عليه دليله

قلت هـيه هـيه يا دنيا الله يسقي بسطة أم راشد

ما كنت تعرف إلا هي يا طحيمر أنت وخشتك ذي

قال تخبرني يا ساخر ,,

طحيمر دايم سيدا ما عنده لف ودوران

آم راشد وقرشعوا فيها البلدية

وبيني وبينك بنات اليوم ونسوان اليوم

ما يبون ملابس أم راشد تخبر أم راشد

ما عندها إلا هالبراقع تقول أم خماس

وهالملابس القديمة وسروايل خط البلدة

وحنا وطيب وحاجات خمبقه

واسواقنا تدخلها كنك في داكا وإلا بومباي مليانة من هالبنقالية

الواحدة من تدخل من الباب قام يرحب ويهلي بها صديق

سوفي اكتي هادا زديد وهادا كفيف تقيل

هادا مورد هادا مكطط هادا ساده

حتى محلات الملابس الداخلية ما سلمنا منهم

ويقوم هالأجنبي

يعرض ويمغط في هالسراويل وهالسنتيانات

وقمصان النوم وكم مقاس انتي وهادا مقاس انتي

وملابس خاصة تلبسها الواحدة في بيت زوجها

تستحي الواحدة من أبوها وإلا أخوها

إن يشوفها وهي تشتريها

وهالبنقالي قاط الميانة ما غير يبحلق ويقلب ويعرف مقاس

هذي وطول هذي

وهذي طويلة .. وهذي عريضة .. هذي مقاس كبير

هذي مقاس صقير !!

قلت يا ساخر ورآه ما تدزها على دكان عويده

تدخل المرة تلقا مره مثلها تتحاكى معها

إن بغت تنشد عن لبسه خاصة وإلا

عن شكل معين والنسوان أبخص في الأمور

قلت عز الله رجالن شقردي وسنافي

ولحيتن غانمة " خـشـمـك "

قلت ما يبالها جبتها على الجرح وبنكلم الربع في الوزارة

على نسونة محلات الملابس وسعودتها

بنسوان أبد اللي معه محل ملابس نسائية

يقوم بتعديل المحل ويكون خاص بالنساء

اللي تبشتري مره واللي تبيع مره

لأن بصراحة الواحد يستحي على نفسه وعلى محارمه

وذاك الهيس الأربد ما غير يتمرخ في هالزيوت

ويعاير في الهالملبوسات ويمغط فيها تقول نبيطة

وإلا عاد المراكز الكبيرة تلقى ها للبناني الحمر

ما في إلا من هالكلام الحلو

شو بدك إي لكان ولا يهمك ولعيونك وتئبريني وأئبرك

وعلى دلعونا وعلى دلعونا سافروا الحبايب ما ودعونا

تابعونا وصيفكم معنا احلي

بواسطة : ساخر الفيفي
 12  0  3296
جميع الأوقات بتوقيت جرينتش +3 ساعات. الوقت الآن هو 04:06 صباحًا السبت 11 ربيع الأول 1438 / 10 ديسمبر 2016.