• ×

12:44 صباحًا , الأربعاء 8 ربيع الأول 1438 / 7 ديسمبر 2016

فياقرا نسائية

زيادة حجم الخط مسح إنقاص حجم الخط
عنوان قد يجد الإثارة

و قد يجد الاستهجان

ولكنها الحقيقة

وساخر ما يجيب علوم خمبقة ولا يجيب شي من رأسه

شي على أرض الواقع

وما دام إنه على ارض الواقع

ليه الحرج والحيا والكلام الفاضي

وسبق وقلت لكم إن وزارة التجارة

هنا في هذا البلد تعتبر عمود الدوران

مو اللف والدوران

الدوران بالحاله عشان نخرج من

معمعة اللف والدوران

لكن نقدر نقول العمود الفقري " وسميت بالعمود الفقري لأنها من مسببات الفقر "

والمشكلة الأخرى إن العمود الفقري مصاب الله يخارجنا

طبعاً سامحوني على هالشطحات اللي لا بد منها

فاصل ونواصل

يا جماعة الربع ياني شفت لكم تقرير مليان عباطة

عن واحد في الهند الشقيقة يركب سنون على الرصيف

يعني طبيب أسنان بس بدون شهادة من الجامعة الفلانية

ولا زحمة عيادة وإيجار وممرضات وموظفي استقبال

يعني الشغلة مأخذها رجالة أبو هنود

ضحكت على هذا التقرير

لكن المشكلة يا الربع إني هنا بالسعودية شفت سيم سيم هذا نفر

بس اللي عندنا مو أسنان

دا بتاع كلو !

تقولون لي وشلون ؟

اقول لكم والله كارثة يا جماعة !!!

جيت هاك المحل داخل مجمع تجاري ضخم

مو بحيا الله محل في زقاق وإلا داعوس ولا حتى في شارع

لا وله فروع في أماكن راقية

الحاصل إنه جذبني ديكور المحل

بس لحد ذيك اللحظة ما أدري وش هو المحل

قلت خلني اسأله عندكم بخور ههههههههههه

اصلاً المحل واضح إنه ما يبيع بخور بس ساخر

ما يعرف يصرف

قال لا والله عندنا أشياء تخص الرجيم

وعندنا ..

قاطعته قلت بس فرصة خلني آخذ لأبو مناحي

وأتلفت يمين وشمال وتجي عيني على هاك العلبة

الدلوعة الزغيرونة

قلت عطني هالعلبة وآخذها اطالع اقلب

العلبة وأسأله طيب هذي وش له

قال هذي فياقرا نسائية

وأقوم انطل العلبة من يدي وافرك داخل اذني بأصبعي

وأعيد عليه السؤال قلت يمكن

سمعي فيه مشكلة

وش هي ؟

وكان نفس الجواب السابق ولكن بتفصيل أدق

ومن ضمن كلامه اللي قال

قال نص ساعة بس

قلت بس

قال بس

سألته طيب مرخصة من وزارة الصحة قال لا

بس مرخصة من وزارة الصحة العالمية والإيطالية واللبنانية

يعني مثل اللي يقول وزارتكم زي عدمها

وقمت أحجر له

طيب كيف اللي عندها سكر تقدر تاخذها قال هذا ما ادري

طيب والفياقرا ما تأثر على الحامل ولا تأثر على الجنين

قال برضوا ما بعرف

قرأت في عيونه إنه يقول هذا وزير الصحة ما غيره

ما يدري إن وزير الصحة متشحطط بين وزارة الصحة

ورئاسة إدارة مستشفى الملك فيصل التخصصي

وبين عمليات فصل السياميين

ويا خوفي يحطونه محل القصيبي رحمة الله عليه

الحاصل

عنده قاطع شهية

وحبوب ماني قايل

وكريم شد

وكريم اللهم إني صائم

وبخاخ شرهه

وزعتر اكليل الجبل

وكريم ترميم

قت هذا شكله قالبها مقاولات

أخيراً هذه جريمة مشتركة ضد مواطن

1- وزارة الصحة

2- وزارة التجارة

3- وزارة البلدية

4- وزارة العمل

هذي أربع جهات رسمية أليس من الواجب إذا ضلت إحداهما أن تذكر إحداهما الأخرى

والخامس طبعاً ذلك المستثمر الذي استغل غفلة ونوم الجهات الرقابية

ولا يهون أيضا المستهلك الفاغر اللي ما غير يطامر ورأى هالتفاهات والخمبقة اللي مالها سنع

فاصلة :

رمضان كريم اغتنموا هذا الشهر الكريم في الصلاة والعبادة وقرآة القرآن وفعل الخيرات وتجنب المعاصي

واللي على باللي أحب اذكره بان من فطر صائماً كان له مثل أجره !!



وسلامتكم


بواسطة : ساخر الفيفي
 7  0  1908
جميع الأوقات بتوقيت جرينتش +3 ساعات. الوقت الآن هو 12:44 صباحًا الأربعاء 8 ربيع الأول 1438 / 7 ديسمبر 2016.