• ×

08:48 صباحًا , الثلاثاء 7 ربيع الأول 1438 / 6 ديسمبر 2016

قصف في الممنوع

زيادة حجم الخط مسح إنقاص حجم الخط


[قصف في الممنوع]
بقلم : ساخر

القصف حاجه مهي طيبه
وطبعاً نسمع مع اخوانا السوريين
هالدعوة القشراء
يئصف رئبتك
يايمئصوف الرئبه
وعلى الصعيد الدبلوماسي والسياسي يقولون
قصفت القوات الامريكيه
وكذلك على المستوى البزاريني والتعليمي
\"المقصف المدرسي\"
بكل ما يحوي من سموم وامراض
واصبح مسمى القصف والمقصف ومشتقاته نذير شؤم
لأرواح العرب على الصعيد المحلي والدولي!!
واكيد كلنا نتفق اي شي يسبب تناوله
اضرار بالصحه\"يسمى سموم\"
سم الله عدوك
وكل من عرف المقصف ومحتوياته
من بطاطس وشبسات
وعصيرات\"امحق من عصير\"آل ايه آل عصير
ماي والوان ونكهات تجلس الكلا تصفي فيها لين تدوخ
وعاد هالدندرمه والا هالحلويات كلها دمار في دمار
لا وعاد اذا بغيت تعرف اكثر عن اضرار هالبلاوي
شف اي دكتور اطفال وانشده
والا اخصائي تغذيه
راح يقول لك اضرارها على الكبد والطحال
لااااااااااا وعاد الكلى هذي نصيب الاسد
وقد تؤدي الى فقع المراره!!
غير سد النفس ولواحقها
واذا كنت كسول شف الورع اذا اكل له شوية شبس
قبل الوجبه وشلون ياكل\"مافي امل يذوق الزاد\"
لا وعاد اذا كان هالورع يسف يومياًمن هالبلاوي
من الفجر لييييييييييين الظهر وفين ياحسره في المدرسه
والمشكله ان القصف اقصد المقصف المدرسي
يكون بأيدي صديقه وبايدي داخليه مؤتمنه
ومنهم \"طبعاً المدرسين\"حضرات الاساتذه
وكبيرهم المدير\"حلوا\"(حلوا ادات مدح وتعظيم)
بس تصدقون مكسب مغري \"لبيع الذمه\"
والاستثمار في صحة عوالنا
تقولون وشلون ياساخر
اقول لكم
ياتلقى المقصف مؤجر على بنقالي والامصري
ويتولجون هالبزارين ول ول ول ول ول
عاد اذا كان في سندوتشات بيض
من ايدي البنقالي مسويها بالليل في العزبه حقته
واكيد ما يخلو من التحكحك وتحفير الكوسه
ويبيعها اليوم الثاني على ورعانا
الحاصل تاتي آخر السنه القسمه
وكلن حسب مساهمته
وإذا بغو يخفون بعقولنا المتبلده
يقولون حنا ما لنا فيها
ابد نصرف من هالقاصوف على المدرسه
بالله من يصدق هالسالفه
من يصدق ان الحكومه تقول بيعو سم على
عوال المسلمين وصرفو انفسكم انتم ويا مدرستكم
يعني كل هالمنظومة التعليميه
وعاجزه تصرف على اصلاحات المدرسه
وفوق ذا تلقى المدرسين يقولون ما لنا ذنب
\"وحزرة\"المدير يقول ماله ذنب
يعني هالوكر لبيع السموم داخل حوش المدرسه
مسؤولية من ياجماعه
وصحة اولاد المسلمين داخل السور المدرسي
مسؤولية من
اذا كان المدير والمدرسين يقولون ما لهم دخل
اجل اذا كان كل واحد يقول ماله شغل
راح تلقى البنقالي يبيع دخان واشرطه
من هاللي ينسخونها بالليل ويبيعونها بالنهار
وكلها و يا مشتقات المقصف ضاره بالصحه
طيب هالحين متى نفتك من شر المقصف
ونشوف فيه الغذاء السليم
وتنظر الحكومه بعين الرأفه!!
في صحة عوال المسلمين

شعار المدارس
جيبوا عوالكم ينهلون العلم وننهب صحتهم

بواسطة : ساخر الفيفي
 7  0  1093
جميع الأوقات بتوقيت جرينتش +3 ساعات. الوقت الآن هو 08:48 صباحًا الثلاثاء 7 ربيع الأول 1438 / 6 ديسمبر 2016.