• ×

06:59 مساءً , الخميس 9 ربيع الأول 1438 / 8 ديسمبر 2016

الهندي و الجندي

زيادة حجم الخط مسح إنقاص حجم الخط

يقولون الشماته تلف تلف تلف وترجع في وجه صاحبها
امس عند الجيران واليوم عندنا!!
اي والله ياشماتة ابله طازه فينا يااااااااااااو
كنا نقول عسكر بعض الناس من هالهنود والباكستانيين
ماشي مرورهم موبزين زي مرورنا
ماعندهم لا رشيدي ولا جيزاني
كلهم اجانب ×اجانب
اللي يعطيك القسيمه هندي
واللي ينفخ عليك هندي
بس حنا غير!!
الزين عندنا والشين عند غيرنا
يجيك رجل المرور
في شخصيته المعهوده!
مسدس +قايش مايل+جزمه مسفوطه على جوه من منطقة الكعب
لا لا لا لا لا شخصيه رزه
خاصه لما يصيح في المقرفون !!حول حول
تقول محمد رمضان
وياخذ اثباتاتك ويتقفل داخل الدوريه
وانت واقف على القزازه تحتري يعطيك المقسوم
وقسيمه منسوبه الى [المقسوم]

لا وهلحين هالبليه اللى عندنا
سبحان الله قلت لكم الشماته ترجع لراعيها
السالفه انه جانا هالمصيبه اللي مفتح عيونه ومبحلق على جيب المواطن
\"ساهر\"
مين علمه يسهر
لسان حاله يقول (سهران لوحدي اناجي طيفك الساري)
وياليته بايدي صديقه
لكنه بأيدي (صديق) رفيق
جانا اللي جا جيرانا
مو قال وقيل شفته بعيوني اللي بياكلها الدود
ابد هالهندي والا الفلبيني
سهران مع ساهر
ويرطق في هالفلاشات
اباده جماعيه (مسرع منت مسرع)
يعني من قل الشباب عندنا
المرور قطاع عسكري مافيها مجال للجدال
وشلون يتوظفون فيه هالاجانب
لا ويطلع لك واحد مستخف بعقولنا
سنعمل على سعودة ساهر(اي هين صدقتكم)
طيب ليش من البدايه ما دربتوا شباب سعوديين
يعني لازم نبدأ بأجانب (صاروا هم الاساس )
ويدخل المواطن على برنامج السعوده
وعاد كم بتجيك النسبه المسموح بها في السعوده

وياخوفي مثل ما قال سيادة الوزير ذيك السنه15%سعوده
وعلى فكره ماتشوفونا متعاقدين مع 15%

بس الظاهر انهم في سباق مع الزمن على دراهمنا
طيب يمدي ملحوق على جيب المواطن


شطحه: القسايم لا تتناسب مع مستوى الدخل للفرد يعني اللي راتبه 3000 واخذ قسيمه300 [اجرة ثلاث ايام] منهم لله ياحنفي

بواسطة : ساخر الفيفي
 7  0  1234
جميع الأوقات بتوقيت جرينتش +3 ساعات. الوقت الآن هو 06:59 مساءً الخميس 9 ربيع الأول 1438 / 8 ديسمبر 2016.