• ×

06:50 صباحًا , الجمعة 10 ربيع الأول 1438 / 9 ديسمبر 2016

السستم ما يسمح!!

زيادة حجم الخط مسح إنقاص حجم الخط
لا والله الا رحنا في رجلها
وهذي الحاقاً لمعاملتنا اللي فاتت
السالفه وما فيها انك من يد نشيط في نشيط
اقرب وسيله لشفط ميزانية المواطن[القسايم]
فلذلك تم الاستعانه بالخبراء الاجانب
وامحق من خبره (لا والله الاعشان رخيصين)
وهالمره يالربع السالفه مهي بنظام ساهر \"الهندي\"
هالمره قسيمه (مع المساحه , على القزازة)
امام عيونك اللي بياكلها الدود
وبأيدي اجنبيه هندي , يمني ,باكستاني,بنقالي
قلنا مرور ماعليش
امن طرق يالله مشيها
لكن قسم بالله هندي يحط لك قسيمه على القزازه(تمغص)
ولا جيت تراجع المكتب تسدد عند يماني والابنقالي
ما عنده يما ارحميني ما في تكفى ماتكفى
يقول لك (السستم مايسمح)!! اسمك فالكمبيوتر
يعني دخلت التاريخ ومن اوسع ابوابه
تدفع يعني تدفع
وهذي معمول بها في مدينه من ربوع بلادي
توقف في مواقف على الشارع العام
والا مواقف داخليه في منطقة السوق كلها
ابد( المكنه عندك) عبي هلل واسحب كرت
وإذا جا الهندي ولا لقى كرت على الطبلون
يااااااااااااااااااااااو ياويلك ويلاه عز الله يجيك الونش
وذيك الوقت ادفع180 اجرة الونش
وقسيمه موقف غلط 150
كنا نسمع يقولون بيحطون سوم
على الخطوط السريعه لا جيت تمسك خط ادفع
مشكله توقف ادفع تمشي ادفع
طيب ياناس ياعالم
مواطن مستنزف حتى حالة سكونه
طبعاً الجهة المسؤوله عن المواقف\"البلديه\"
وإذا كانت غرامة الوقوف شر لا بد منه
فليكن بأيدي سعوديه
فبقلوب راضيه مطمئنه بالقراده
نتقبل كل شي
ادفع انت سعودي
ابي افهم هل انت مواطن ام مقيم ام مستأجر
بيت اجار وحتى موفق سيارة بالاجار
حالفين ان يستثمرونك


منهم لله ياحنفي

بواسطة : ساخر الفيفي
 5  0  1417
جميع الأوقات بتوقيت جرينتش +3 ساعات. الوقت الآن هو 06:50 صباحًا الجمعة 10 ربيع الأول 1438 / 9 ديسمبر 2016.