• ×

04:50 صباحًا , الجمعة 10 ربيع الأول 1438 / 9 ديسمبر 2016

ياليت لك ياالحب دفتر قوا نين

زيادة حجم الخط مسح إنقاص حجم الخط

كم ذكرياتن في سجل المحبين= تبقى مع الازمان تبقى وداعه
رسمت لك يازين نخلة وسيفين= من الوردوالفل أحلى الزراعه

وانااعتبرقلبي مع ناس غالين= أقولها من خاطري بالقناعه
يازين لاتنوي على البعد يازين= في بعدكم يازين مالي استطاعه
مالي بجرح جارحن فوق جرحين= جرح المحبة ماطلع لو أشاعه

ياليت لك ياالحب دفتر قوا نين= يحكم على الظالم ويلوي ذراعه

جرح الهوى يغلب جميع المداوين = ويغلب العشاق واهل الشجاعه

يوم الحبيب قال ماشين ماشين= صارالدمع ينزف بدون أنقطاعه

ياللاسف هلة دموعي من العين= غصبن يهل الدمع في كل ساعه

حين تبتعد يازين ماحنا براضين= حتى تجاوبني بسمعن وطاعه
والحب يبقى واضحن بيننا البين= على الصراحة و الوفاوالوضاعه

فرق الحبايب زود النار نارين= والهم في قلبي يزيد أرتفاعه

ياسعدمن كان رصيده ملايين = ما ينتظر تنزيل سعر البضاعه
لكن بعض الناس والله حسودين = ماشفت فيهم مقصدن أو نفاعه

واعوذ بالله من جميع الشياطين= ماقول غيرالله عنده شفاعه
اللي خلق آدم على الحق والدين = والكون كله خالقه بالبراعه

 8  1  1284
جميع الأوقات بتوقيت جرينتش +3 ساعات. الوقت الآن هو 04:50 صباحًا الجمعة 10 ربيع الأول 1438 / 9 ديسمبر 2016.