• ×

12:37 مساءً , السبت 4 ربيع الأول 1438 / 3 ديسمبر 2016

الهيئه فاشله 100%

زيادة حجم الخط مسح إنقاص حجم الخط
الهيئه فاشله 100%

كل يوم والثاني تثبت الهيئه فشلها
وما نقول الا خساره فيها هالاسم
لما تسمع اسم هيئه يتبادر الى ذهنك
شي من الانصاف شي من العمل الصادق
لكن الواقع غير واللي قاعد يحصل غير
الواقع يحكي مسلسل من الفشل الذريع لهالجهه الماسوله
وياطول مسلسل الفشل تقول مسلسل مكسيكي من طوله
وكل يوم حلقه واحداث مثيره
والبطل نفس البطل (هيئة الدواء والغذاء)
كل يوم يطلع لنا هاك الماسول بهاك التقرير
[تقول صك ] عن الدواء الفلاني
تم ايقافه نظكراً لما يحتويه من المادة الفلانيه
لا وزود على ذلك يهبلون بالناس
له تأثيرات تسوي وتسوي وتقلب التيس جفره!!
ويسوي ويفعل واللي كلا منه الله يعينه على بلواه
وتجيك الوسوسه ذيك الساعه
عاد كلن ينبش ماضيه اويلي ويلاه
واللي يقوم يدور في كيس العلاجات ويتذكر
وش انصرف له من سم في هالمستشفيات
والطامه الكبرى والله بعضها له 5سنوات
ابد وبكل بساطه يجون ويقولون لك المستحضر الفلاني
تم سحبه من السوق (يعني على بالهم هلحين مصحصحين)
وش ذنب هاللي قاعد يسف من هالبلاوي
طول هالسنين واللي مات واللي يحتري سم اقوى من اللي قبله
وربي ياجماعه حاجه تمغص
يعني هالعلاج كم انصرف منه طيلة الخمس سنين
هو ويا غيره من هالبلاوي والسموم
والله يبدأ الواحد يشك هم معنا والا علينا
والمشكله ان بعض العلاجات كذا بالخط العريض
تسبب يانزيف يا امراض في المخ
ياجلطات يعني امراض من العيار الثقيل
مو بحياالله امراض شي شي يجيب الغايبه
والضحيه هالمواطن الضعيف
والا هالعلاجات اللي مهي مفسوحه طبياً
والاتلقى يجيك الاجنبي يستثمر في صحتنا
ولا احد يحرك ساكن

مثل محلات (زين الاتات)

التي سبق وان كتبت عنها في نفس الزاويه الساخريه

بعنوان(فياجرا نسائيه)
وكمان تم تقديمي شكوى في هالمحل
لكن ياحيف شكوى الشيخ ساخر راحت
وله فوق السنتين فاتح فروع في السعوديه
وتوها صحصحت هيعة الدواء والغذاء
قدام ممكن اسبوعين اعلنو سحب قرابة 35 مستحضر
من عند سيادة زين الاتات راعي الفياقرا الحريميه ياااااااااااو
وهلحين اللي يزيد البلا بلا
سالفة التعويضات الطبيه اللي قاعده تطالب فيها
وزارة الصحه من هالشركات المصنعه
تبلغ مليارات الدولارات هالتعويضات
ابنشدكم هالتعويضات تروح لمين
والا اللي يستقدم العلاج وزارة الصحه
واللي ياكل العلاج نحن حضرات المواطنون
واللي ياخذ التعويض وزارة الصحه
ويا خوفي انها خطه

نصيحه من ساخر لكل مواطن
عزيزي المواطن :لا تاكل علاج الا بعد ماتبلغ ياقريب يازميل
انك كليت علاج اذا طولوا ماشافوك يجونك ويجيبون الكفن معهم

بواسطة : ساخر الفيفي
 4  1  1150
جميع الأوقات بتوقيت جرينتش +3 ساعات. الوقت الآن هو 12:37 مساءً السبت 4 ربيع الأول 1438 / 3 ديسمبر 2016.