• ×

01:31 مساءً , الإثنين 6 ربيع الأول 1438 / 5 ديسمبر 2016

المهنة : وكيل رقيب متقاعد!

زيادة حجم الخط مسح إنقاص حجم الخط

الاسم :ساخر
العمر:50
المهنه:متقاعد من الجيش واليوم كداد تكسي ,ويالتكسي

طرى على هزار قباني
يقول:
لوكنت اعرف خاتمتي ماكنت بدأت
لوكنت اعرف ان البحر عميقاًجداً ما درعمت

وانا لوكنت اعرف اني راح اتقاعد وخاتمتي تكسي
عز الله ماسجلت في العسكريه

اخوكم ساخر قدر الله عليه يتقاعد
من الجيش وكيل رقيب براتب3156
يقول لي واحد من الربع شغال في ارامكو يقال له طحيمر
يقول يارجال ازين لك تتقاعد خلاص جا اليوم اللي
تريح فيه ياساخر وتستقر مع عوالك
ويكرمك الوطن ويرد لك حقك ويعطيك مثل ما اعطيته
قلت اي هين ماعليه بلاك ماتدري ياطحيمر
تحسب زيكم يا الشركات تأمنكم الشركه
ببيت ملك قبل التقاعد وتتقاعد براتب كامل
وتدق لك بخيشة دراهم!!
لا ياطحيمر حنا غير يالعسكريين
عندك انا يامحاكيك كنت آخذ قبل التقعد6893
وياليتها كانت تغطي لكن على ما قال المصري مستوره والحمد لله
وهلحين بدل ما يقولون يستاهل الوكيل ساخر كل خير
شارك في الخفجي وشارك في الحد الجنوبي
حمى ارض الوطن ماتوا زملاه امام عيونه
ما انحاش وقال ياروحي ما بعدكي روح
لا والله بعد ما بلغت من العمر عتياً
على ما قالوا (اخذني لحماً ورماني عظماً)
عطوني هالثلاث تالاف وقضبوني الباب
يعني هذا اللي استحقه ؟(في ذمتي لا)
على ما قلت حوالي 7000 وماتلحق خل عاد يوفر منها الواحد
وفجأة يخفس راتبك من 7000 الى 3000
اجار حوالي 2000
والف ريال وش راح تسوي مع بيت مليان ورعان
لا ويقولون الواحد بعد التقاعد من الجلسه
يجيه السكر والرماتيز والضغط
لا والله الا من هالكارثه اللي كانت تحتريه \"التقاعد\"
المتقاعد حده ههـ سنه سنتين بعد التقاعد وجلطه

ليه ما يقولون بيض الله وجهك يالعسكري
تقاعد وراتبك موخساره فيك(انت اللي حميت الوطن)

وساخر قرر يقدم بحث عن اسباب امراض السكر والظغط للمتقاعدين
والتشخيص ان السبب من الوسواس اللي يجيه بعد التقاعد
و العلاج يعطى راتبه كامل حتى الهلل

لكن الظاهر ان التاكسي يمدحونه

ويالتكسي يالتكسي

بواسطة : ساخر الفيفي
 11  0  3584
جميع الأوقات بتوقيت جرينتش +3 ساعات. الوقت الآن هو 01:31 مساءً الإثنين 6 ربيع الأول 1438 / 5 ديسمبر 2016.