• ×

01:18 صباحًا , الإثنين 6 ربيع الأول 1438 / 5 ديسمبر 2016

لازم تدفع أنت سعودي !

زيادة حجم الخط مسح إنقاص حجم الخط
لازم تدفع انت سعودي
========================================

الحمد لله حنا يالسعوديين ماعندنا ظرايب
لا يغركم اللي قاعدين ندفعه هذي رسوم يسيطه!!
واللي جاب السالفه قاعد افكر وين ماتروح
الله لا يهينك ادفع ؟
وعشان كذا مكتوب على البيبان في الدواير الحكوميه
من برا الباب[ادفــع] ومن داخل الباب[ اسحب]
يعني اللي برا المبنى يدفع واللي جوة المبنى يسحب!!
مخ ماشاء الله عليك ياساخر
على العموم السالفه وما فيها رحت المرور قلت بأجدد رخصه
بالرغم ان ماعندي رخصه!
اول ماقلت لهم ابجدد الرخصه
قالوا ايدك على جيبك400ريال وريال ينطح ريال
ليه ماليه قالوا صارت استثمار على المدى البعيد
400ريال بس انسى الموضوع 10سنوات
قلت طيب انا عندي رخصه واعرف اسوق
ليش التجديد (يعني تبون تتأكدون باقي اعرف اسوق والا نسيت السواقه)
قسم بالله اعرف اسوق تبون تتأكدون خلوا واحد يطلع معي آخذ به فره
ووالله ان ماخاب ظني انه عشان الظريبه 400ريال تاخذونها
قال احترم نفسك ما عندنا ظرايب هذي رسوم
واقعد احسب قلت في نفسي يعني
5000000 شخص في السعوديه رخصه وما ادراكما رخصه
من 400ريال هذي مليارين بس في الرخصه
عاد من غير رخص النسوان لا سمحوا لهم بالسواقه!!
قلت في خاطري ياحليلي اثر رواتب الموظفين من جيبي انا واشكالي
وطالبكم تحسبون معي وتشوفون الاستماره بكم
عندك التجديد والنقل لااااااااا والبلديه تاخذ والمرور ياخذ
وعلى طاري البلديه والله ان تدفع وعينك ماتشوف الاالنور
تروح بتفتح لك محل تترزق الله منه
الله لا يهينك حصة البلديه لا تنساها
اللوحه وما ادراكما اللوحه المتر 100ريال والحسابه بتحسب
لا وكمان حلب على المدى الطويل [تجديد سنوي]
وعلى ما قال الشاعر: لا حد ينسى حد
هذي والله المبالغ الجامده اللهم لاحسد!!
هااااااااااا وانتبهوا لا احد يسيء الضن
ترونها رسوووووووووووم ما هي بضرايب
والا هالغريفه التجاريه امحق من غرفه
سجل تجاري ورسوم وزحمه والنتيجه(لازم تدفع انت سعودي)
والا مكتب العمل والعمال العامل 2000 وانت تضحك
وبالمناسبه قدام حوالي سنه
طمر عدد الاجانب في التعداد من 5000000 الى حوالي 8000000
يعني قرابة 3000000 عامل في سنه(وهذي فيها سوالف واجد)
بس ناخذ اللي يهمنا هلحين اللي هي ماضوع الرسوم
ووالله ان تطلع ظهرك يالسعودي
لا بسيطه كلها سته مليار
ومن غير التجديد والغرامات
وكل هالسوالف ونقول رسوم
وعشان كذا صرت اكره الرسوم المتحركه
من يقولون لي الاولاد يبا نبغى رسوم
يوقف شعر راسي

بواسطة : ساخر الفيفي
 4  0  1579
جميع الأوقات بتوقيت جرينتش +3 ساعات. الوقت الآن هو 01:18 صباحًا الإثنين 6 ربيع الأول 1438 / 5 ديسمبر 2016.