• ×

09:01 مساءً , الثلاثاء 7 ربيع الأول 1438 / 6 ديسمبر 2016

جاكم الماسول وخر عن طريقه!!!

زيادة حجم الخط مسح إنقاص حجم الخط
جاكم الماسول وخر عن طريقه!!!

============================================

أول شي الحمد لله اشوف السعوديه كلها امطار
ولو انهاطلعت المستخبى
وهذا مو موضوعنا بس حبينا نشكر الله على هذي النعمه

وانا كالعاده ما احب انفرد بموضوع يخص فيفاء
وبالرغم ان هالسالفه منتشره في كل مكان بس في فيفاء واجد
الماضوع وما فيه شفت لي شوفه ما اعجبتني
وانا بصراحه اشوف هالماسولين كل يوم ينقز الماسول لديره
يتفقد ويشوف مشاريع الدوله ويشوف مصلحة المواطن
وهذي السالفة شوفت عيني وكلكم شفتم (لا تجحدون)
ترون ما فيها لا توهيقه ولا شي
وهذا الشي حتى على مستوى قيادات عليا
ونبدأ من الملك عبدالله حفظه الله
لا تخافون ما في لا محشات ولا شي واصلوا القرايه
من اول ما يعلن زيارته لمنطقه
يدهرون الماسولين يرقعون وتجيك السفلته
والاناره ولا مطب واحد ولا حفره والتشجير والرصف والبويه
وهذا حسب الخطه \"المدروسه\" لخطة السير!
يعني لو يلف الموكب شمال والا يمين راحوا في رجلها
تطلع علوم وتطلع فضايح ما لها اول ولا تالي
الشوارع حفر تشوف العوايل دق رقص في السيارات
وهومو رقص بس تطلع من حفره طبيت في حفره
والاجساد تتمايل ويحسبه المسؤول رقصاً
من نشوة الفرح!!
ولا اناره ولا خدمات وحفر الصرف كل يوم طاحت سياره في حفره
اما الشارع اللي في خطة السير
يجي خادم الحرمين يشوف الشارع تقول حديقه
طبعاً بعذره يشوف كل شي زين
الربع نافضين الدنيا في اقل من اسبوع
وتعال بس يروح الاشجار تيبس ويفصلون الكهربا
والاسفلت مع اول مطر والا عج وهواء قرشع فيه
وطبعاً يبدي انطباع زين ويقول كل شي زين
وطبعاً هالشغله صارت حلا كل دايره حكوميه
تكون على مستوى الشعب
يعني في متناول الجميع
لا قام ماسول بزياره مثل امين منطقه (والامانه قشرا)
ابت منها السموات والارض وتقزلها ابن آدم
ها لا جاك بيزور المنطقه ابد سيم سيم
ياخذونه الاماكن الزينه ومشوه وبحضرة ناس من اعيان البلد
طيب اما فيكم رجل رشيد يقول له تعال من طريق كذا
شوف التنفيذ السيء لا يغرك هالزبرقه
لا تلقاهم كلهم يصفقون له ومشكور وبيض الله وجهك
وعلى طاري مشكور وما مشكور
ياخوي نشوف مشاريع تنفيذها سيء
ومتأخره ووالله لو انها عند ناس صاحين ما يقبلون بها
واصلاً لو يتم تنفيذها في بعض المناطق
وربي ماعاد يداوم واحد غير ما قد داوم
يعني مشاريع تتنفذ بطريقه بدائيه وعشوائيه
وتلقا الناس طايرين في العجه شكراً شكراً
وتقول انه اعطاهم من جيبه
ياخوي هذي مشاريع الدوله وياليته نفذها زين
لكن كالمعتاد اهم شي المقاول ينفذ المشروع ويسلمه
وبعدها في حريقه واقرب دليل منتزه فيفا
قدام التسليم طاح طيب لو طاح وفيه عايله
والا النفق حق جده قدام التسليم بيومين تعبى مويه

والمشكله ان مثل ما قلت لكم الماسول يتفقد
لكن مين اللي يوديه ويجيبه ؟طبعاًالماسول عن المشاريع
والا الهوامير اصحاب المصلحه مجهزين له الشي الزين
ابد ظبط له طريق تقول يوم تشوف هالطريق يازين فيفا زيناه
طيب وين حقين المجلس البلدي وين المشايخ
ليه ما يقولون له تعال من الطريق الفلاني وشوف
اذا انك تبي تتفقد من جد شوف بعينك

لكن ما دام اننا رضينا بهذه المذله نستاهل
وعلى ما قالوا لحيتن تستاهل

بواسطة : ساخر الفيفي
 19  0  1453
جميع الأوقات بتوقيت جرينتش +3 ساعات. الوقت الآن هو 09:01 مساءً الثلاثاء 7 ربيع الأول 1438 / 6 ديسمبر 2016.