• ×

10:49 مساءً , السبت 4 ربيع الأول 1438 / 3 ديسمبر 2016

سروال الطواري !

زيادة حجم الخط مسح إنقاص حجم الخط
(سروال الطواري!!!)
========================================

الله الله بما انك في السعوديه
لا تنسى ان تحمل في حقيبتك دائماً سروال
وبما ان اغلب السعوديين ما ياخذون معهم حقايب
شوف المصريين مدرس مهندس طبيب اللي يكون
معه شنطه سوداء وش فيها ماتدري
بس هذي من الظروريات بالنسبه لهم
اذا ما عنده شنطه في يده عيب
مثل السعودي عندنا لا نزل حدا هالمولات من غير غتره وعقال
الحاصل بما اننا لا نحمل الحقائب اليدويه
يتوجب على كل مواطن ياخذ في جيب الثوب سروال!!
وذلك من اجل سلامته لأن ما أحد حوله
اي ومو بأي سروال لا سروال سباحه!!
لانك في وضع خطر عرضه للغرق في اي شارع
فمع مجرد هطول الامطار الشوارع تتحول الى بحيرات
في انحاء السعوديه كلها
ماشاء الله المشاريع عندنا على سنقة عشره
كل يوم يطلع لنا واحد ويقول عندي
ويدعي ويبتهل بالمطر والسيل عشان تشوفون وش سوى
وعزالله شافوا العالم كله بهالسوات
وعلى فكره اتمنى تغيير اسم الامانه
اتذكر بقايل البنقاله بقالة الامانه(وهويبيع اشياء فاسده)
والا ورشة الاخلاص (والشغل خمبقه في خمبقه)
واحنا نغتر من يوم نشوف الاسم نقول هذا اللي ما بعده
المهم ما اشوف في اي رابط بين اسم الامانه والواقع
كل سنه يطلع لنا حرامي جديد بالاصح شلة حراميه
ومهم اي حراميه لا حراميه ما يتفاهمون الا بمئات الضحايا
لكن هذا عند الحكومه والحكومه ابخص
ما رقوا فقيه لمنصب وزير الا وهم شايفين شي ما نشوفه
مو العام الماسول عن الامانه في جد ة
اليوم وزير عمل من قدك يافيهوه
(كوارث ليس عفويه بل بسبب متهمين والماسولين قالوها)
وقالوا بيحاسبونهم بس ياترى كم بيطلع الحساب
ودايم ربعنا في السعوديه يتحالفون كل واحد يحلف
والله ما تحاسب والله ما تحاسب!!
وهلحين ناس تقول بتحاسب وناس تحلف ما احد يحاسب
لكن هذا مو موضوعنا
موضوعنا السروال السروال
يعني محتاج للسروال محتاجه ان ما جات الامطار
جاتك الله يكرمكم هالبيارات والطفح
يعني الشوارع غرقانه
والغرق فيك فيك

وعليكم بالسراويل الطيبه الله الله (احذرو التقليد)

بواسطة : ساخر الفيفي
 3  0  1381
جميع الأوقات بتوقيت جرينتش +3 ساعات. الوقت الآن هو 10:49 مساءً السبت 4 ربيع الأول 1438 / 3 ديسمبر 2016.