• ×

08:39 مساءً , السبت 4 ربيع الأول 1438 / 3 ديسمبر 2016

طبيب جزار

زيادة حجم الخط مسح إنقاص حجم الخط
طبيب جزاااااااار قلوب الناس اداويها
================================================
بيض الله وجهك ياوزير الصحه
عزالله ما قصرت
مبين عليك قايم بالواجب ميه ميه
من يوم قمتوا بهذه الصفقه المصفوقه
تحت عنوان
(وزارة الصحه تسمح بإستقدام اطباء من الجنسيه البنقاليه)
اي نعم انهم حراميه ومزورين وانصب خلق الله
بس مو مهم اهم شي الاخلاق!!ورخيصين
يعني لا تنظرون لسرقة الاطفال من المستشفيات
وتنسون الخدمات الطبيه الجليله!!
والا تتحججون بالاخطاء الطبيه واستئصال الاشياء الزائده
في الجسم البشري
وعشان كم واحد ماتو بفضل الله ثم بفضل وزارة الصحه
تسوون زحمه وقروشه ونبغى ونبغى
مو اللي مات تاخذ قيمته على القديمه
ديه وتخب عليك ابد راتب الدكتور اربع شهور
حتى الاطباء اللي تستقدمهم وزارة الصحه منتازين
من يوم ادخل على الدكتور ابد اعرف وش السالفه
خذ نفس خذ نفس خذ نفس
لو عندي كسر بساقي ماعنده غير خذنفس
والحمد لله إننا شعب نتمع بنفس طويل
ويقوم يصرف مسكن وياحليلنا عايشين على المسكنات
من اكبر واحد لين اصغر واحد يعطون المواطن مسكنات !!
على العموم ما ندقق ونطلع من جو المسكنات
هلحين يجيك طبيب فلبيني والا هندي ما يعرف يتحاكى
عاد خل البنقالي هذا قضيه ثانيه
وابد يجونك هالضعيفين المواطنين وربي انه يدخل على الدكتور
ويطلع ما فهم شي من الدكتور ولا فهم منه الدكتور شي
ويطلع بكيس علاج بكيفه يرم فيه لين يشوف له ربي من عنده
لكن السؤال اللي طرح روحه
ليه مستشفى حكومي خدماته مو زي مستشفى ابو دراهم
ليه ما يتساوون في الخدمه وذيك الساعه روح وين ما تبي

*شطحه: ياترى وزير الصحه راح يتعالج ويعالج ورعانه عند بنقالي

بواسطة : ساخر الفيفي
 1  0  1143
جميع الأوقات بتوقيت جرينتش +3 ساعات. الوقت الآن هو 08:39 مساءً السبت 4 ربيع الأول 1438 / 3 ديسمبر 2016.