• ×

03:28 مساءً , الإثنين 6 ربيع الأول 1438 / 5 ديسمبر 2016

ما جزاء من أرادّ بشعبكّ سوءً ؟

زيادة حجم الخط مسح إنقاص حجم الخط
ما جزاء من أراد بشعبك سوء
=====================

يقول الشاعر: من امن العقوبه اساء العقوبه!!
وقال الراوي المال السايب يعلم الحنشله
لكن اللي اشوف ان مو مال سايب
هذا حلال ناس حلال ضعوف ياحليلنا
هذا حلالنا غدا نهابه
ومن جد مواي نهابه كلن ينهب من عنده
ونقول ليه حنا من جرف لدحديره
ليه مافي تطوير ليه نعيش فقر وتخلف
ونقص في الاموال والثمرات
ونشوف هالميزانيات تدهر سنوياً مبالغ مهي بهينه
الدوله الله يحفضها تدفع ميزانيات ضخمه
وحنا محلك راوح ابد ربي كما خلقتني
والله بلاك هالجهات اللي ما تطيع!!
وجهة يعني وزاره بس ما قالوها بالعربي وزاره
يعني تخيلو عدد الوزاراة المحروسه 21 وزاره
ويقولون وانتبهو تروني قلت يقولون
انا ما شفت شي لا احد يستنشب لي(دني غلبااااااااااااان)
لكن الصحف المحليه قبل كم يوم
تقول 16 جهة ومثل ما قلت لكم جهه يعني وزاره
الحاصل هالجهات او هالوزارات لم تنفذ ميزانية عام 1429هـ
يالربع ما تشوفون انها كثيره 16 من 21 باقي خمس وزارات
طيب اذاميزانية 29 ماتنفذت على ظنكم ان
30 ـ 31 ـ 32 إنها تنفذت "والله مدري"
واللي قفطهم هيئة الرقابه والتحقيق
يعني هي ثلاث خيارات
مو خيار حق السلطه لا يعني (اختيارات)
وهذي الخيارات
يانسيوها ياناوين نية قشراء ياإن الرقابه استعجلوا
والمشكله اننا ما سمعنا اي مساءله لهم
واللي يعزز موقفي في ماضوعهم ويخليني اسيء النيه!!
ان نسبة التنفيذ في هالمشاريع اللي خصصة لها الميزانيات (صفر )
وذي ما يبغى لها حسن نيه وألا سؤء نيه
من عام 29 ماتنفذت اقول لوكان في شمس كان من امس
لوكانوا مبيتين النيه الطيبه كان قبل دخول الميزانيه اللي بعدها
كان قالوا يالربع ترون باقي معنا قريشات من ميزانية العام
لكن 4سنين ولا قالوا شي يعني ابراني الله فيها إن
وهلحين يقول العساف انه حول الدراهم اللي امر بها الملك
لحساب الجهات اللي تم تخصيص الدعم لها
وياخوفي تروح مراح ميزانية 29

لكن من امن العقوبه اساء الادب
ومن امن العقوبه اساء العقوبه
وهلحين ياخادم البيتين ( ماجزاء من اراد بشعبك سوء)
وانشاء الله نشوفكم الاسبوع الجاي
في ماضوع (البترول و البيضه)

بواسطة : ساخر الفيفي
 4  0  1244
جميع الأوقات بتوقيت جرينتش +3 ساعات. الوقت الآن هو 03:28 مساءً الإثنين 6 ربيع الأول 1438 / 5 ديسمبر 2016.