• ×

12:56 مساءً , الأحد 12 ربيع الأول 1438 / 11 ديسمبر 2016

البيضة و البترول

زيادة حجم الخط مسح إنقاص حجم الخط
البيضه والبترول

اليوم معي لكم سالفه لاراحت سالفه ولا جات سالفه
واليوم سالفتنا عن البترول وعن البيضه
وما أدراكما البيضه
بالرغم ان حاجتين ما أحب اسولف فيها
الحكومه والبترول!!
فكلكم تعرفون البترول
أقصد تسمعون عنه
والبيض من ما يعرفه اشهر من نار على علم
وهي البيضه السبب هي اللي جابت الطاري
فالبيضه شبل من ذيك الدجاجه
لأنها ستصبح إذا الله امد في عمرها
وما راحت عيون والا شكشوكه
ستصبح دجاجه لها شان عظيم
ستحمل وتلدلنا البيض اللي هومحور حديثنا!!
وعلى فكره ما عمري شفت دجاجه عانس!
ابد من تبلغ الدجاجه الا والديك جاهز
ما شاالله عيني عليهم بارده
ما نقول الاالله يكتب الديك الصالح!
على العموم حنا هلحين بصدد ماضوع يتناول اهم الصادرات السعوديه
واقواها على الاطلاق ( البترول والبيض)
وفي رواية اخرى يسمى الباض
فالبيضه لها مكانتها المرموقه لدى الشعب السعودي
كمكانة البترول لدى الدوله
اي هذي البيضه وشلون ما تكون غاليه
فالبيض يالربع مثل ما قلت لكم اكبر صادراتنا بعد البترول
دول كامله نغذيها بالبيض والبترول
لا يغركم سعر البيض وارتفاعه
مو عشان انه قليل ونادر
لكن تماشي مع خويه البترول ومع الموضه
فالبيضه من غلاتها لا زالت لغر حير العلماء والبلطجيه
منهو اللي جاء اول البيضه والا الدجاجه
لكن هم كلهم بالنسبه لنا كلهم غالين
عينين في راس!!
رفيق درب فالبيضه كانت ولا زالت الصبوح الافضل
للعايله كلها من بزران الى الراس الكبير في البيت
عاد خل عنك بيضه مسلوقه في سندوتشه مع برنده!!يالبييييييييييه
وكذلك في الغداء تجد الدجاجه متربعه عرش مائدة الطبقه الكالحه!!
اقصد الطبقه الكادحه
ولولا همة الديايه العاليه لما تربعت بدلا من الشحم واللحم
وعاد العشاء وش تبيها شاورما والا شوايه والاصالونه من يد باكستاني
يعني بيننا وبين الدجاج عشره مهي بهينه
وهلحين بعذره الطبق اذا ارتفع من 7 ريال الى 14
والدجاج اللي كان بثمانيه صار ب13
فهلحين عرفنا ان السر في غلاته
مكانته من الشعب
ومستحيل نستغني عنه
لو نتركه اسبوع يخيس عندهم كان نزل سعره
لكن مهي بلحانا اللي تترك البيض والدجاج
وإذا عرف السبب بطل العجب

ودمتم

التوقيع /أخوكم ساخر بزاتو

بواسطة : ساخر الفيفي
 0  0  1849
جميع الأوقات بتوقيت جرينتش +3 ساعات. الوقت الآن هو 12:56 مساءً الأحد 12 ربيع الأول 1438 / 11 ديسمبر 2016.