• ×

06:02 صباحًا , السبت 11 ربيع الأول 1438 / 10 ديسمبر 2016

يعرف من اين تؤكل المؤخره!!

زيادة حجم الخط مسح إنقاص حجم الخط
يعرف من اين تؤكل المؤخره!!
=====================

يالربع لا تواخذونا على هالسوالف
بس خلونا نوسع صدورنا ونضيق صدوركم شوي
وماضوعنا اليوم عن المؤخره وما المؤخره وغلاتها !!
يقولون بعض السوالف شرهه
لكن وش نسوي ساخر يحب يسولف
وما بنطول بندخل في الماضوع دغرررررري
اكيد انكم سمعتم عن المحاكمه اللي تمت في "جده"
الله يسلمكم السالفه وما فيها
هذي قضيه ظهر فيها الحق ونزاهة المحاكم !
وعرفنا ان اي قضيه ما يمديها تلف شمال والا يمين
وعندنا العداله تاخذ مجراها

هذا وافد حصلت ضده شكوى (تفيد)
انه تعرمش له مؤخره بسنونه!!
ويظهر ان هذا الوافد عرف من اين تؤكل المؤخره
ولكن هيهات هيهات ان تكون المؤخرات سايبه
هذي وهي مؤخره أخذت فيها العداله مجراها
أجل وشلون لون كان صدر والا رجل والا فخذ
وش كان راح يكون مصيره "أكيد اعدام"
على العموم الخبر يقول في جريدة المدينه
محكمة جزئيه في جده تحكم على وافد
بسنه وشهرين و80 جلده
وذلك ليكون عبره لمن تسول له نفسه
ان يهبر له مؤخره
انا أفكر لو راح المحكمه الكبرى والا هيئة التمييز
لا والله الاحظه في هالقاضي ما كبر السالفه ورفعها
وهالوافد تسلل الى مطعم وأكل موخرة دجاجه!!!
وقامت الدنيا واشتغلت هيئة التحقيق والادعاء العام
واشتغلت المحاكم وانتعش سوق المحامين
بين من يؤيد أكل الموخره وبين من يرفض ذلك
الحاصل انه راح في رجلها
(سنه وشهرين و80جلده)
وانا اهتف للعدله تحيا العداله ياحكم
إذا كان هذا كلا دجاجه جيعان مو جيعان مو مهم
وانجلد وكلاها مفلفله وانسجن
وطلع في الصحف وفي المنتديات والمواقع الكرتونيه!!
اجل اللي سرقوا ميزانية مدن كامله
وسرقوا ميزانية جزام طبي شامل
وسرقوا ميزانية اسكان لهالظعوف
وسرقوا ونهبوا هالبلد
وش بيكون جزاءهم
اصلا وين العصي والخيازرين اللي تكفي لجلدهم

بواسطة : ساخر الفيفي
 7  0  2292
جميع الأوقات بتوقيت جرينتش +3 ساعات. الوقت الآن هو 06:02 صباحًا السبت 11 ربيع الأول 1438 / 10 ديسمبر 2016.