• ×

03:08 مساءً , الثلاثاء 7 ربيع الأول 1438 / 6 ديسمبر 2016

هيعة مكافحة الفقراء!

زيادة حجم الخط مسح إنقاص حجم الخط
هيعة مكافحة الفقراء!
===========

عند الاشارة
عند المسجد
عند المطعم
عند الصراف
عند البنك
عند السوق
تحصل حرمه تمد يدها وتطلب
بس تصدقون في شي شدني
بإستثناء حقين الاشارات
تحصل اللي جالسات مع كل واحده كيس صيدليه
وش السر في توحيد الاكياس اللي معهم وكلهم صيدليه واحده
هذي في منطقتنا عاد عندكم مدري
الحاصل نسمع ذا يقول عصابه وذا يقول كذابات
واللي يتصدق وهو يقز يدها والاعيونها
واللي يقول الله كريم واللي يمد بريال عليه رقم!!
كلن يتصدق على ليلاه
طيب ابي اسأل وش المانع مايكون فعلاً محتاجات
كل المؤشرات تقول محتاجات
حرمه من وين بتكد على نفسها وعلى ورعانها
بتقولون الجمعيات والضمان وأهل الخير
والله الجمعيات مقصره ومو اي تقصير
ما عليش خذوها على البيبان بس من جد
الضمان الاجتماعي اللي يعطونه وش بيسد
هو مقابل عيشه والا سكن والا لبس والا مصروف مدارس
لا وعاد اسم الله على الاسعار وخاصة مع الكنز الوفير الراتبين
كلن قام يهبر من عنده وانت في الاخير تزود من جيبك
طيب هنا الكلام
نسمع عن مكافحة التسول
يالربع مكافحة التسول موظفين ماخذين عملهم على انهم
ويطاردون المتسولين زي اللي يقول فشلتونا
مفهوم خطأ من الجهات الماسوله
حسب ما أظن وانتم ابخص مني في هالسوالف
مكافحة التسول تكون راول شي تسد حاجة الفقير
وتشوف له سكن وتقوم به على اكمل وجه
وإذا شفته عند اشاره او مسجد يشحذ ابشر بالحق!!
لكن على ايش استندنا حتى نقول كذابين ماهم محتاجين
والا بس نحب نسولف
من جد شعب سولفجي

بواسطة : ساخر الفيفي
 10  0  1394
جميع الأوقات بتوقيت جرينتش +3 ساعات. الوقت الآن هو 03:08 مساءً الثلاثاء 7 ربيع الأول 1438 / 6 ديسمبر 2016.