• ×

09:28 مساءً , السبت 11 ربيع الأول 1438 / 10 ديسمبر 2016

لا وجع الا وجع العرس!!

زيادة حجم الخط مسح إنقاص حجم الخط
لا وجع إلا وجع العرس!!
===================

يقول الشاعر
لا هم الاهم العرس
ولا وجع الاوجع العرس مدري الضرس!!
على العموم الهموم والاوجاع وكل بلا وجلا
تجيك في هالعرس
والسبب الاول والرئيسي
عندنا شعب منسم مدري مهايطي مدري مهبل؟

لكن على العموم السالفه وما فيها
يجيك هالشاب المسيكين يتوظف بعد سنين معاناة
من البطاله وبعد ما راح من العمر اللي راح
وإذا حصل على هالوظيفه عاد ما شاء الله
من رواتب عندنا سواء في القطاع الخاص
والا في القطاع الحكومي ابو3000!!!
لكن نتكلم عن هذول اللي متوسط دخلهم تقريباً من الخمسه وفيها
خل عنك ابو الثلاثه هذول جاهم حكم من فوق !!
الشاهد في السالفه وزبدة حكينا عن هالضعيف
ما مسك هالوضيفه الا وهو من اول منشن على بنت الحلال
وقدامه الحياة قبل العرس في شي اسمه مصاريف شخصيه
طبعاً عزوبي أكل وشرب ومغاسل وفواتير جوال
وهالسوالف الطويله الي مالها اول ولا آخر
تاخذ منه على أقل تقدير من الف وخمس وفيها
خل عنك إذا كان ما معه سكن في عمله
وبينه وبين بيت امه وابوه من الف كيلو وانت طالع
وينك يالآجار وينك يالآجار
في هالحاله وش بيتبقى له من هالراتب
راح يبقى له من الثلاث آلاف وفيها
عاد يلقط نفسه وعلى بيت اهل العروسه
وعاد شوف هالمسيكين اللي ما يصفا من راتبه الاقرابة 3000
تلقى اول شي بنتي ما تعرس الافي قصر
وش قلت ياولد ؟؟
عاد ما عنده الا \"تم\"
وهالقصر بكم راح يكون نصيبه من القسمه
طبعاً من العشرة للخمسطعش وانت ماشي
وقصر بهالحجم لازم يمتلي معازيم
وعاد حنا عندنا \"الملهه مجاناً\"!!
يجونك بعد تعبئة الكروش اهل الملهه ويقومون بالواجب
عادفي ناس يجيك الشاعر بالصفوف حقينه بدراهم
هوذول اللي يجلسون يناقزون ويصفقون
وفي النهايه لقطوا لهم هبشة طيبه وفي امان الله
وياويلك إذا ما جبت هالشعرا تطلع ما فيك خير
الحاصل هالمعازيم وش بيكفيهم ؟أقل شي 20 ذبيحه
وهالذبايح على كم طبعاً؟ اقل من 1000 لا تحلم
خل عنك الطبخ والمشروبات ولواحقها على السفره
الا وتكلفة العشاء بلحاله صكت الخمسه والعشرين
وعاد في اشياء بلخط الاحمر داخل عند النسوان
غير الفستان من يوصل 10000وفيها عاد خل عنك
إذا كان باقي في ناس يتقاولون مع هالطقاقات هذي من 10000وانت ماشي
وعلى ما قال المصري الحسابه بتحسب
يعني هذي من قصر الى عشاء وشغلاته تصك 50000 سلام سلام
غير مهر المحروسه اميرة البحار الثمانيه
ولازم يفتح عش الزوجيه وكم بيكون تكاليف اجار وعفش
ولازم له موتر يشيل رجله ورجل هالبنيه
أجل راح يتجاوز 120000 تكاليف العرس
وياحسرة من وين لعريس الغفله هالميزانيه
أجل مالها الا البنك ابو الفزعات ابشر بالخير
ويجيك يبدأ حياته ويا عروسته بدين وهم وغم
والقسط شريك ما منه فكه
الايجار كم والقسط كم وتكاليف الحياة كم
والضحيه مين؟؟
الضحيه البنت ويا زوجها وعوالهم
والسبب مين؟؟
السبب ابو البنت اللي ما يسر على بنته
وخلاها تشوف نصيبها وسعادتها
بعيد عن هالخرابيط والهياط
بلا قصر بلا هياط بلا فستان يكد فيه اربع شهور!!
خله يتعشى معكم وياخذ زوجته ومع الباب

زبدة الحكي ما تشوفون انه هياط صرف اكثر من 50000 في قرابة 6 ساعات

بواسطة : ساخر الفيفي
 6  0  1224
جميع الأوقات بتوقيت جرينتش +3 ساعات. الوقت الآن هو 09:28 مساءً السبت 11 ربيع الأول 1438 / 10 ديسمبر 2016.