• ×

05:04 مساءً , الثلاثاء 7 ربيع الأول 1438 / 6 ديسمبر 2016

كلوت

زيادة حجم الخط مسح إنقاص حجم الخط
كلوت
===============


طبعاً ماعاد تعد مفاجأة إذا شفت الجهات الرقابيه صاحيه
كان اول نقول الماسولين نايمين وفي سابع نومه
لكن هلحين ماعلينا خلاف
فلا تسيؤن الظن وتقولون وزارة التجارة والجهات الماسوله غافله
يعني خمبقة الاسعار مهي غفله بمعنى غفله
بس طبعاً على ما قال الرجال اعطوا سداح فرصه
والتجار ذا وقتهم وفرصتهم استغلوها وجت لهم على الحبلين
ووزارة التجارة مشغوله
ونص الشعب حصلوا على راتبين وزادت دراهمهم شوي
وكلن أخذ فرصته
وعلى ما قال ابن جدلان
من قاد للعالم مقانيص وسباق*** ثارت شوازنها وهدت سلقها

حتى الدجاجه لو شفتم إن راسها كبر علينا وصارت ابو 12 ب15
مو يعني انا ضايعين في الطوشه
لكن على العموم تطمنوا يالربع حنا في مأمن
ومثل ما قلت لكم لا تخافون بس ماسولين التجارة
مشغولين عن الاسعار ومتابعة حاجة المواطن
معهم امور في غاية الاهيمية أهم من اسعار وغش
لكن أطمنكم إن الوزارة على ركبه ونص للمخالفين
حتى الكلوتات ما تعدي ولا يخلونها تروح يمين والا يسار
وإذا كلوت هه والا هه ابد جابوا خبره
وخذوا عندكم هذا الخبر اللي يصب في مصلحة المواطن
بالدرجة الاولى ويعد من الولويات وزارة التجارة
يقول الخبر تمكنت وزارة التجارة
من السيطره على كلوتات رجاليه والحمد لله
بعد أن تم عمل كبسه من قبل وزارة التجارة
اي ماهي بكبسة حاشي!!
هذي إذا الحكومه طبت على واحد يقال كبسه
اكيد فاهمين وش اقصد ما يحتاج
ما شاالله علينا حنا شعب واعي!!
الحاصل تم محاصرة الكلوتات والقيام بما يقتضيه الواجب
ومصادرتها دون اي خسائر او اظرار في الارواح والممتلكات
وهذي بادره تحسب لوزارة التجارة
بالمحافضه على المواطن
وهلحين إنشاء الله إن مهمة الكلوتات انتهت
عشان يلحقو علينا ويفكونا من اللي حنا فيه
بس ياخوفي ياخوفي
إذا حصروا الكولتات وتمت السيطره عليها
يقولون باقي سراويل السنه تتصادر يعني تتصادر!!
فإنتبهوا يالربع حاولوا تتخلصون من سراويل السنه
قبل يجي يوم ويمسك بحوزتك سروال
والا يجونك وزارة التجارة وانت تستلم
مجموعة سراويل من مهرب
عزالله تروح في الرحله

بواسطة : ساخر الفيفي
 2  0  1567
جميع الأوقات بتوقيت جرينتش +3 ساعات. الوقت الآن هو 05:04 مساءً الثلاثاء 7 ربيع الأول 1438 / 6 ديسمبر 2016.