• ×

07:03 صباحًا , الخميس 9 ربيع الأول 1438 / 8 ديسمبر 2016

الأمير و أم الخماخم !

زيادة حجم الخط مسح إنقاص حجم الخط
الامير
وام الخماخم!!



في سنتن من الليالي !
تعب علينا رفيقنا طحيمر ما غيره
الحاصل إنه جاه مرض يقال له زويحر
وهذا مرض انصحكم لا تنشدون عنه
يقولون مو بزين ينشد عنه الواحد
لا ن هذا المرض ينتقل لك اول ما تسولف عنه!!
المهم دريت بطحيمر وهو يرافس بأيدينه الثنتين!
وانشده وش فيك وش بلاك
والله ما غير يشاهق ويعاطس ويصيح
تكفى ياساخر الظاهر إن زويحر جاني
والقطه وعلى اقرب مستشفى
وساعة دخلنا من باب المستشفى
قاموا الممرضين والتخاتر يلبسون كمامات وقفازات
واسمعهم يقولون بالعنقلينزي(اووووووو زويهر)
وهذي عندهم لما يقولون اوووووووو
مثل في نجد لما يقولون يااااااااااااااو
وتقال لما تحصل مشكله كبيره
المهم
قلت والله من الفراسه والنباهه في تخاترنا
عرفت انه مرض خطير واقوم ادق باللطمه
من شان ما معى كمام
الحاصل قاموا يصلقون و يقلبون هالتخاتر في الآدمي
وفي النهايه قالوا مع الأسف الجهاز حق زويحر مو عندهم
طيب طحيمر ياجماعه وضعه مزري
وش الحل وش السوات في الآدمي
طيب ودوه بالاسعاف لأي مستشفى يعالجه
قالوا ما نقدر بتاتاً البته لكن معك امرين غيرها لا تدور
هذا ما ينفع فيه الا تودونه مستشفى
من هالمستشفيات اللي يتعالجون فيه الكباريه
والا يقول لي الدكتور الفلبيني في عجوز يذكرونها
تمرخ في قرية ام الخماخم
قلت لا والله الا على خشمي والله طحيمر لحيتن تستاهل
عطوني تحويل يستاهل يتعالج مع الكباريه!!
قالوا طيب إذا تعرف امير جب ورقه من عنده عشان يدخلونه
والا والله إن يقعد في المواقف لين يذبحه زويحر
أفاااااااااا طيب وإذا ما أعرف امير
يعني خلاص يموت طحيمر
انا وش عرفني في امير
من أجيب لكم امير يأمر بعلاج طحيمر!!


هلحين طحيمر ليس الا حاله من ملايين
قد يصابون بمرض العصر (زويحر)!!
وش السوات شعب كامل يموت عشان
ما يعرف امير

والله يوسفني عندما ترى حق من حقوقك
ما تحصل عليه الا بمعرفة امير
او تخاطب ملك
وإذا حصلت لك ساعة استجابه
او راح يموت ولدك أو قريبك بين يديك
والسبب ما تعرف أمير

بواسطة : ساخر الفيفي
 10  0  1571
جميع الأوقات بتوقيت جرينتش +3 ساعات. الوقت الآن هو 07:03 صباحًا الخميس 9 ربيع الأول 1438 / 8 ديسمبر 2016.