• ×

11:14 صباحًا , الثلاثاء 7 ربيع الأول 1438 / 6 ديسمبر 2016

ابشركم .. راتبين في رمضان !

زيادة حجم الخط مسح إنقاص حجم الخط
أبشركم
راتبين في رمضان

يقولون والعهده على الراوي
والباقي من عندك
يجيك واحد منسم ماشي طبلونه
يسولف وياحبنا لهالسوالف وها النوعيات
أنا جاني واحد من الجماعه ما يكذب!!
يقول إن واحد سولف لهم عند ابو كديميس
وهذا اللي سولف لهم كمان ما يكذب وشغال عند ابومناحي!!
ويقول إنه هو وطويل العمر اخويا و يلعبون سوا
بنت السبيت وشايب الشريه
وشهي هاللعبه ما ادري بس هو اللي قال
أنا ما قلت ولا شفت ولا حتى اعرف للبلوت!!قسم
المهم يقول شهر رمضان في راتبين
ويقول إنه شايفن المعامله بعيونه اللي بياكلها الدود
شايفنها كانت على الطبلون
وياكثر ما نسمع هالسالفه سنوياً
نسمعها كل سنه وياحليلنا نتحراها
والمشكله اننا ندري انها إشاعه بس نتحرى!
حتى لو ما جات السنه إلي قبلها ولا إلي قبلها ولا الي قبلها
بس من يبدأ رمضان الا وجات سالفة الراتبين
وأبد تلقى الشعب ما غير يسولفون بها
من تتسلم وتبي تسبح وتستغفر
التفت عليك اللي بجنبك ومسك ايدك وسلم
وهمس في إذنك إنت سمعت عن سالفة الراتبين
لا والا يجيك واحد يقول
ابشركم الدوله سددت القسايم عن جميع المواطنين
وما أحد يسولف لك الا ويقول كلمني واحدن من الربع
يقول شيك على القسايم كان عليه3000 وما لقى شي
بصراحه أقدر أقول عندنا شعب منتهي
من تقول له سالفه وخاصة إن كان فيها شي من الدوله
ودراهم ايييييييي يالدراهم
على طول على طول تلقاه راح يسولف
وساعه الا والخبر منتشر وكل واحد مسك خط من عنده

وأقول الله يجزى الحكومه خير
أشوف كل يوم طالع واحد ملحوس يقول إنه المهدي
واتوقع لو إن الحكومه ما تقفط أول بأول
كان نص الشعب كل واحد معه مهدي
زبدة الحكي حنا بيئه خصبه للإشاعه
إبقول لكم لا أشوف واحد يجيني يقول قال وقال
إن ما سمعتم في التلفزيون
مدري شسمه ّذاك اللي شايلينه لوقت عوزه
ترون ما يطلع الاوقت الاوامر وصدور المراسيم الملكيه
نسيت اسمه لكن على العموم
أن ما سمعتوه يقول لكم وألا فكونا من كل يوم
إشاعه وكلام فاضي وقال واعطى واعفى
ثقوا ثقه تامه غن لو في أي شيء
ما راح يصدر إالا بعد ما تجتمع الجرايد كلها
حتى جريدة ام القرى إللي تحدك وزارة التجاره
للإعلان فيها ب 800 ريال
راح تجى وكل التلفزيونات والاذاعات
لكن نقول
اررررررركدوا يالربع

بواسطة : ساخر الفيفي
 5  0  7310
جميع الأوقات بتوقيت جرينتش +3 ساعات. الوقت الآن هو 11:14 صباحًا الثلاثاء 7 ربيع الأول 1438 / 6 ديسمبر 2016.