• ×

11:59 صباحًا , السبت 11 ربيع الأول 1438 / 10 ديسمبر 2016

إمريكا ما تكذب!!!

زيادة حجم الخط مسح إنقاص حجم الخط
إمريكا ما تكذب!!!

---------------------------------------

شخباركم يالربع
انتم سمعتم عن القرار الي يقول لا تقول شي لو
شفت موظف مخطي والا هه والا منا والامنا
الزم مقدك والزم الصمت واربط حزام الامان والبخ
وعشان كذا قررت اهاجر بماضوعي بعيد الى
ديرة الهنود الحمر سابقاً ديره اوباما حالياً
وأسمع يقال امريكا اللاطينيه!!
أبد هناك لا أحد يقول لي ليش كتبت وإلا ما ليش كتبت
وألا يدفعني خمس مية الف ريال ريال ينطح ريال
من وين لي خمس مية الف ياحسره
مو القرض العقاري كله خمس مية
بس متى بيجي ويفك رقبتي من هالمشكله
لا خلني بعيد أزين لي ولذلك قررنا ما يلي
ان يكون ماضوعنا بعيد عن السعوديه بكبرها
وأخترنا امريكا لأن هناك كلن يكذب ما أحد يقول له شي
حتى الراس الكبير عندهم يكذب وعااااااااادي
تقولون لي وش عرفك انه يكذب
يقول وش عرفك انها كذبه
قال من كبرها!!
كلكم تعرفون اسامه
وتعرفون اوباما
الحاصل في سالفه ما دخلت مخي
ما أدري اهو مخي قفل والا اني ما أفهم وإلا إني ذكي
عاد بدرجه عاليه مع مرتبة الخرف
يمكن نطول عليكم شوي في هالسالفه
بس تخبرون امريكا بعيده تاخذ فوق عشر ساعات بالطياره
المهم امريكا تقول انها ذبحت اسامه بن لادن
والسالفه حسب نظرية خويكم ساخر
الربع توهقوا في افغانستان ومشكله يطلعون من السالفه بلوشي
ولا جابوا راس غليس
يسمون أنفسهم القوة العظمى ويتعبهم شخص واحد بهالطريقه
طيب خلوكم معي
ماسمعنا ولا واحد من امريكا الشماليه
ولا من امريكا الجنوبيه ولا اللاطينيه
يقول حاولنا نمسك اسامه بن لادن حي
لا والله إلا كلهم قالوا سرينا وحنا مبيتين النيه نذبحه!!
إي ما عليش هين صدقتكم
إسامه بن لادن ما تبونه حي ..إنقزوها
اقل شي قولوا حاولنا نمسكه لكن ماقدرنا وطخيناه
وعلي الملازيم إنهم يقولون نموت ونجيبه حي
لا وبعد يقولون ذكيناه وطشيناه على طول في البحر
يالربع إمريكا يبونه حي والا ميت يبون يمزمزون عليه
وبعذرهم هالآدمي مشغلهم في انفسهم اقلقهم سنين
لا وفي النهايه يقولون ذبحناه ونطلناه في البحر
ومره يقولون بنحتفظ بجثته
ومره يقولون جبان إندس خلف النسوان
ومره يقولون لا ما إندس
إي امريكا مهي بسيطه تعرف إن ما أحد بيصدق
إن اسامه إندس في ظهر مره
هااااااااااا طلع واحد منهم وقال أبد لا تواخذون خوينا
ترون اسامه ما أندس ولا شي
الحاصل أشوفهم يخبصون بالسالفه مره شمال ومره يمين
والمشكله وين بيروحون من عوايل ضحايا 11سبتمبر
قالوا طيب نبي نشوف الرجال
الا والله الورطه قالوا والله العظيم أنا ذبحناه
بس خفنا منه وهو ميت ما نقدر نسافر به معنا
وغسلناه ودفناه في البحر على الطريقه الاسلاميه!!
لكن أقول في شي ألله العالم الله العالم وش هو

الا سالفة ذبحناه لكن مو معنا
هذي فيها إن وعيال عمها

وأعذرونا إذا في أخطاء املائيه مستعجل والماضوع يخوف
إن قلت اسامه والله انه يخوف
وإن قلت أمريكا ما يحتاج ما عندها إلا قصف

بواسطة : ساخر الفيفي
 10  0  1530
جميع الأوقات بتوقيت جرينتش +3 ساعات. الوقت الآن هو 11:59 صباحًا السبت 11 ربيع الأول 1438 / 10 ديسمبر 2016.