• ×

07:30 مساءً , السبت 11 ربيع الأول 1438 / 10 ديسمبر 2016

نجوم القايله

زيادة حجم الخط مسح إنقاص حجم الخط
نجوم القايله


إذا سمعتم واحد شاف نجوم القايله فهو أخوكم ساخر
والسالفه وما فيها الله يسلمكم
على ما قال الشاعر الجاهلي إبن أبي الحوادث
يوم الاحد في طريقي بالصدف قابلت واحد, وسلامتكم
وعلى طوووووول جاب الغايبه
تقولون لي وشلون
أقول لكم أنا إنسان أمشي دغري حتى لو في لفه ما ألف
لأني ما أحب اللف والدوران ونعوذ بالله من اللف بأنواعه
اللهم لاتجعلنا من الذين يلفون !!!
ولكن اللي قابلني يصل به الامر في اللف والدوران درجة العكس
وقام بدعمي وليس دعماً معنوياً بل دعم على الطريقه السعوديه
وعندما استدعيت الفزاعه المستعجله (المرور)
رد علي واحد ( نعم)
والله إني بغيت اقفل قلت إني دقيت على بيت واحد
ومو أي واحد قلت واحد سعودي راجع من الدوام ومالقي غدا
واحد والله ياشكله معصب يااااااااااااااااااااو
بس قلت مافي بيت ثلاث أرقام
واعلمه بالسالفه اللي حصلت قال مالك الأ تشوف (نجم)
قلت في هالقايله !!
قال أنت مأمن قلت الله الله
قال ها والله ما معك الا تشوف نجم
قلت يعني قصدك التأمين بيوريني نجوم الظهر
قال لا في شركه متخصصه في تخطيط الحوادث
ينقال لها نجم
وأعطاني هاك الرقم وأدق وترد علي واحده
توقعت إني دقيت على مدرسة بنات والا بيت نسوان
ولكن عرفت بنفسها قالت معاك زليخه من نجم
والمشكله إني أنا إنسان ما بأحب أسمع هالاصوات واجد
عشان الطبله ما تتحمل
والله قالت إبشر يجونك هلحين
وكانت النتيجه أن شفت نجوم القابله بالفعل
ممثله في شركة نجم
ولها من اسمها نصيب ومو أي نصيب بل نصيب الهزبر !!!
وفعلاً ما خذيت ساعتين الا وجوني
يعني أفضل من المرور المرور ياخذون ساعتين وخمس
أوذول خذوا أقل من المرور بخمس دقايق
الحاصل ساعة جو إلا والزحمه خبركم
وعاد الجمهور فلوها لا مرور ولا شي تقول مظاهره
كان أول بس يجي المرور ويصايح عليهم بالمقرفون
ويتشتتون تقول إنك تعوذت من الشيطان الرجيم
لكن هلحين خبركم هالنجم ما له سلطه في تفريق الناس
والزحمه يعني خذ لك من هالزحمه لين ربك يشوف لك
ونجم بس تخطيط وامحق من تخطيط
قل وش من دورات حاصلين عليها
عشان يخططون لحوادث العالم
واحدن منهم أخبره قبل اسبوع سكرتي في بنك الرياض
واليوم بهالكاميره يصور ويخطط
وفي النهايه سيم سيم أول
مين مأمن فيكم
ليه ماليه
قالوا عشان نحط الخطأعليه

بواسطة : ساخر الفيفي
 1  0  1325
جميع الأوقات بتوقيت جرينتش +3 ساعات. الوقت الآن هو 07:30 مساءً السبت 11 ربيع الأول 1438 / 10 ديسمبر 2016.