• ×

09:01 مساءً , الثلاثاء 7 ربيع الأول 1438 / 6 ديسمبر 2016

مين قدك يامنال؟؟ 

زيادة حجم الخط مسح إنقاص حجم الخط
مين قدك يامنال؟؟

اي والله مين قدك يامنالوه
دخلتي التاريخ من أوسخ ابوابه
عفواً قصدي من اوسع أبوابه
وهذي يالربع منال مين اللي ما يعرفها
أكيد كلكم سمعتم عن .....
لها حكايه وسالفه وصلت امريكا اللاتينيه!!
الحاصل ما لكم بطول السالفه
هذي .. ما غيرهااللي حلفت وطلقت
إلا لزوم تفشخ على أوامر الحكومه
والمشكله بهذي الله يهديها إنها ارتقت مرتقاً صعب
أنا لا صرت في الشارع وشفت دوريه اتراقل لين تعدي!!
وبعض أوقات اسفط يمين لين يتجاوز !
وهذي والله من الطناخه في راسها
ما تدري إن حكومتنا الله يخليها ما عاد فشخوا على كلامها أشناب!!
هاااااااااااااوالله قالت منالوه أبد موعاجبها
كلام المشايخ ولا كلام الحكومه
تقول براسها حبن ما ينطحن
بس والله فالنهايه انطحن وانعجن من دون مويه!!
فالسالفه على ما قالت هي أبراني الله أنا ماشفت شي
هذا كلامها وكلام رفيجتها وجيهه الحويدر
تقول لقطت موترها وحمته وحمته وحمته لييييييين احتمى صح !!
وعلى شوارع الخبر صالت وجالت
وتمشت والناس يقزونها ويعدون وتمشت وراحت
لين انتهى بها المطاف ذيك النهار في اسواق اللولو
وهنا المحك والاختبار الحقيقي لجلوسها خلف أو امام المقود!!
قالت إنها تمكنت من التلبيقه والوضع زحمه!!
ومن دون الاستعانه بصديق
ويظهر لي من كلامها إنها سائقه محترفه
ولها خبره ..... لكن أبي أعرف .. هو طولي او جانبي!!
المهم ..هذا مو ماضوعنا
ما خذت الاوله وقالت على شحم
قالت الشغله سايبه وبعد يومين بالليل تلقط مونرها
واسر ياساري تعيد الهجوم وهبااااااااا
في يد الحكومه وإنتي جيتي يامنالوه والا الله جابك
والمشكله إنه كان معها الهيس الاربد أخوها
ومن المرور الى الهيئه الى الشرطه
جوله كامله على دواير المنطقه الشرقيه
ما بقى الا الدفاع المدني ما سيرت عليهم
الى إن انتهى بها مطاف ذيك الليله في اصلاحية الدمام
ما كانت مصدقه قامت تهايط وتقول حقي ما حقي
واسوق عشان السواق لا يتهرش فيني!!
قالت بتاخذهم بالصوت وأنا حاصله على رخصه من امريكا
الى إن شافت انها بتبيت في التخشيبه
قالت لااااااااااااا الربع من جدهم
الحاصل نامت ذيك الليله قريرت العين
لا زحمة سيارات ولا تحرش سواق
ويقولون انها من ذيك الليله الله مس بالعافيه!!
وأعلنت توبتها وان شالله تكون توبه نصوح
والحمد لله حكومتنا في يدها الخير تعقل اللي ما يعقل
وسبحان الله كم واحد يطب في يد الحكومه وفي راسه علوم
وبس يوم والا يومين لا علوم ولا رياضيات
يقول خلاص خلاص ما أبي شي

وأزين شي بالنسبه لمنال يقولون سمحوا لها بسياقة المكنسه في البيت

بواسطة : ساخر الفيفي
 81  0  3554
جميع الأوقات بتوقيت جرينتش +3 ساعات. الوقت الآن هو 09:01 مساءً الثلاثاء 7 ربيع الأول 1438 / 6 ديسمبر 2016.