• ×

09:38 مساءً , الإثنين 6 ربيع الأول 1438 / 5 ديسمبر 2016

جاكم : الشيخ داعس

زيادة حجم الخط مسح إنقاص حجم الخط
جاكم الشيخ داعس

========================

البارح كنت اتفرج على مسلسل بدوي
وأنا ما أحب الافلام الاكشن
لكن الله لا يسامحه صايل ولد ابو صايل
قال اتفرج معهم على مسلسل يحكي امور بدونزيه
وعينك ما تشوف الا النور
طخه ما تطخه وقال عمي الشيخ داعس وفعل عمي الشيخ داعس
الحاصل إني قمت اتنافض مكاني ماني متعود على شيوخ كذا
وماعاد كملت معهم الفلم اشغل موتري
وادعس وانا اتلفت وراي وش لي وش للمشاكل
المراد إني وصلت بيتي واتجهت لفراشي لكن بعد ما نشبت صورة
الشيخ داعس على ما قالوا المصاريه في نافوخي
وكلما اغمض عيوني يطلع لي هاك الشيخ الداهيه
الى إن سرقني النوم في غفله من الشيخ داعس
وما امداني اغط إلا وأشوف إني صرت شيخ
أي بس مو أي شيخ لا صرت مثل داعس!!
لا والله إلا استوت معك ياساخر
شيخ مرة واحده والله اللي منت بهين
وامسك الخط واتنحنح تقول تنحناحة داعس
واصيح (دير القهوه ياولد)
واتقهوى حتى الهز هزيت زي ما يهز داعس!!
أي لا يروح بالكم بعيد في سالفة الهز\"عوذه\"
هذي هزت الفنجان بعد ما اتقهوى
الحاصل قمت أطنخ واسوي وافعل
وأجمع المشايخ عندي وانشدهم وش تحتاج ديرة الشيخ داعس
قالوا كل شي زين ياداعس أبد ما ينقصنا شي
قلت والله ما ظن اشوف الكذب بوجيهم
فطين الشيخ داعس فطنه يفهما طايره
واطلع اتفقد الديره وآتشوف
إلا وإثر اللي عند الناس ما عندنا منه شي
قلت أفا وأنا الشيخ داعس ياااااااااااااااااااااااااااااااو
واعاين إلا والديره كلهم وجعانين يحتاجون مستشفى!!
قالوا نبغاك ترفع لنا بطلب مستشفى
قلت لا والله أروح بنفسي وأنزل واطلع وادخل على الماسولين
الى إن جبت المستشفى وصاروا الربع يتعالجون
ويتداوون مثلهم مثل غيرهم من الناس
لا والطريق أبشركم توسعه خليت التريله تدخل اللفه بيبان
هاشفتم الددسن لا وصلت لفه وانت مسرع
وعطيتها ثالث كيف تدخل اللفه نطل
ها بس تشوف التريلات من وسع الطريق تقول دداسن
أي وبناتنا لهم نصيب من كرم الشيخ داعس
قلت أبد معصي ولا يمتكن بتاتاً البته
إن بنات ديرة الشيخ داعس يخرجون لديار الاجناب للتعليم
يجيهم العلم الى حدهم مثلهم مثل غيرهم
اوذل بناتنا ياحليلهم وشلون ننام وهم متغربين عنا
منطولات في ديره لا حولهم احد ولا شي
وأجيب الكليه وبغيت أحط عند كل بيت كليه
بس باقي في امور ثانيه أبنجزها بدري بدري
تخبرون الماء والصرف والاسواق
أي مو صرف دراهم الشيخ داعس ما يدور لهالسوالف
ولا يدانيها هذا صرف صحي
الله يرجك ياداعس ناوي تجيب اللي ماجابه غيرك
المراد أقلت بعض أعيان ديرة الشيخ داعس
وقلت بس باقي أمر لزوم أسويه
وما أمداني ألا وام العوال تصحيني
قم ود الورع المستشفى لا بارك الله فيك!!
وافز اقوم اطالع يمين وشمال لا ني شيخ
ولا عندي لا مستشفى ولا طريق ولا كليات


واعود اغني

حمام جانا مسيان **ولا سلم عليه
ولا سلم عليه

بواسطة : ساخر الفيفي
 6  0  1095
جميع الأوقات بتوقيت جرينتش +3 ساعات. الوقت الآن هو 09:38 مساءً الإثنين 6 ربيع الأول 1438 / 5 ديسمبر 2016.