• ×

04:02 صباحًا , السبت 11 ربيع الأول 1438 / 10 ديسمبر 2016

سلوى جابت راس غليس

زيادة حجم الخط مسح إنقاص حجم الخط
سلوى جابت راس غليس
===================
صبحكم الله بالخير
اليوم جيناكم بعلم طيب بس
خلوكم جالسين واربطوا حزام الامان وشوفوا هالسالفه
يقول الشاعر
ألله يسود وجه راعي الفكره **عزالله انها تنحسب لحسابه!!!

وهنا قبل كم يوم طلع لنا تنافس محموم
وش هو محموم ما ادري بس سمعت الناس يقولونه قلنا معهم
بس يظهر لي ان محموم يعني مسخن ويقال حمه!
بس على العموم اهم شي انه يبقى محموم على طول!!
تنافس بين مجلس الشورى وبين الكاتبه سلوى المطيري
وتنافسهم من اللي يحل مشكلة العنوسة والعزوبيه
طلعت لنا سلوى بسالفه تقول تطالب بفتح المجال الجوي
وفتح سوق النخاسه للبيع والشراء
وسوق النخاسه هذا مكان اقامة البيع والشراء للجواري والعبيد
تقول الرجل يشتري جاريه ومن الجنسيه الروسيه
يعني حددت روسيه وش السر في التحديد ماأدري
وحددت جميع الامور العمر من 15 ــ 25
وخمس سنوات بعدها يقدر يغير
و50 دينار كويتي شهري من راتبه ما بقت شي!
أبد تقول انك في وكالة شفرولية!!
ولكنها بعد كم يوم واجهت حملة شعواء من بنت حواء
فقالت لازم تصلح غلطتها في حق بنات جنسها
واقترحت أن يكون للمرأة صلاحية شراء عبد!!!
وتستفيد منه كزوج وعبد اثنين في واحد
وممكن تهديه إذا ملت منه او تبيعه من طرف السوق
وانصفت زياده تقول يكون حلو ومنها مايعود على الجميع بالفائده
وفوق ان يكون عبد وزوج سيكون مشروع تحسين النسل
تقول انها مستعده في حال حصولها على ترخيص
أن تقوم بتقديم الخدمه في هذا المجال
تذهب الى دول اسلاميه وتشتري عبيد بالجمله وتبيع بالقطاعي
وعلى الضمان اخلاق مهذب مواصفات
من استاندر الى فل ابشن!!
ولكن الاسعار تتفاوت حسب المواصفات
وهذي خدمه لأن الرجل يستطيع ان يذهب الى سوق النخاسه وينتقي
والمرأة تكتفي بالبوم صور للعبيد وهي تنقي شختك بختك
وبدل ما تطب لها في واحد يخيب الآمال
يكون عن طريق وكيل معتمد وبضمان
الحاصل احتدم التنافس في حل المشاكل العنوسيه
للرجال والنساء على حد سواء كلهم مجتهدين
وكل الجهات في الاوطان العربيه شاده حيلها
للقضاء على العنوسه والعزوبيه!!
فأقدم مجلس الشورى بعد تداول الجلسات تلو الجلسات
والدراسه..!! عن مشاكل العنوسه وعن مصير بنات البلد
ففجرها مدويه (بم )في وجه بنت بلده
لا مانع من زرقة السعودي الى الخارج وزواجه بأجنبيه
وجات في وقت مناسب وقت الصيفيه !!
لكن لم يضع مواصفات ولم يحدد عمر
وهذا حل منه لمشكلة العزوبيه للرجال
والى الآن لم يردنا أي خبر لمشكلة
حل العنوسه للنساء
وعلى الله ما يجي الحل بعبد!!

بواسطة : ساخر الفيفي
 3  0  1138
جميع الأوقات بتوقيت جرينتش +3 ساعات. الوقت الآن هو 04:02 صباحًا السبت 11 ربيع الأول 1438 / 10 ديسمبر 2016.