• ×

08:59 صباحًا , الخميس 9 ربيع الأول 1438 / 8 ديسمبر 2016

مطلوب القبض على ساخر

زيادة حجم الخط مسح إنقاص حجم الخط
مطلوب القبض على ساخر

اول شي ساخر مثل ماعودكم ماعنده غير الصدق
واهم شي يكون صادق معكم
اناما اخفي عليكم اني كنت في يوم من الايام
ضمن المطلوبين
الذين تتم مطاردتهم وبشكل يومي من مكان لآخر
ومره ننحاش ومره يتم القبض علينا
ومصادرة المواد المقبوض عليها بحوزتنا
هذا اذا لحقو معنا شي
وبعض اوقات نحصل ناس كويسين يفكونا
اي لا يروح تفكيركم بعيد
لاندفع بخشيش ولا شي هم من انفسهم
طبعا جلست لعدة سنوات مطارد
الين الله من علينا ولقينا وضيفه وبطلنا نبيع
حبحب وطماط
وارتاحت منا البلديه شوي
وانا ارتحت لا احد يطاردني وكل شوي وانا ماخذن لفه
يروح ضحيتها عشرات الحبحب
وكذلك اقتصاد بعض موضفي البلديه اهتز
والسبب انهم ماعاد يحصلون كل يوم ددسن بحبحبها
وهذا حالي معهم كمواطن
تقول تطلع تترزق الله تصبح من قائمة المطلوبين
للبلديه ولهم الاستعانه بالشرطه اذا استدعى الامر للتحجير
وزين اذا ما استدعو الطواري والقوات الخاصه
ولا تقول ارهابي

لكن السالفه اللي ماتدش المخ
مطلوب آخر لكن لا احد يحرك له ساكن
وهو مطلوب اجنبي ومو اي مطلوب لا بنقالي
وهل يخفى البنقالي
(بائع الايسكريم)
بس يظهر لي انه يتمتع بحصانه
ابديسفط بسيارته ويبيع ولا بايع متجول ولا ثابت
ولا تسمم ولا يستنفر قسم الصحه والبيئه في البلديه ولا حاجه
ابدماخذ راحته لا مطارده ولا نحشه ولا شي
يسفط سيارته ويبيع بعد عملية الخلط على الطريقه البنقاليه
يخلط شي منتهي تاريخه
فاسد..اصلي ..تجاري مافي مشكله
والاهم من ذلك في وقت البيع كيف يتم التعرف على التاريخ
ومدى صلاحيته للاستهلاك الآدمي
واغلب ضحاياه من الاطفال
ياحليل الاطفال ضحايا في كل مكان
مدري يحصلونها من هنا ولا من هنا
جاي بفيزة سباك وهنا يبرد على الشعب بالايسكريمات
هاااااااااا أنتبهو لا يطلع لي واحد ويقول شكل عندي انتخابات
لأن اللي عندهم انتخابات قبل الانتخابات بشهرين ثلاثه
يتبنون قضايا انسانيه وبعدها الله يخلف

الزبده ان ابن البلد اذا قام وتحرك اشتغل اي شغله
باع خضار طاردته كالعاده البلديه ولواحقها
اشتغل يتكس المرور وهاك ياقسايم
اشتغل اي شغله طلعوه مخالف وياويله

بينما الاجنبي يبيع متجول شوفت عيونكم
يتكس (وهذا صديق انا )وهو كذاب يكد
يغسل سيارات ولا حس ولا خبر
ولو يغسل 10 سيارات في اليوم وهذي قليله3000
دبل راتب سكرتي
ولا احد يقول له شي

والله ياجماعه انه عند مستشفى قام مجموعه من ابناء البلد
بغسيل السيارات وجات البلديه والشرطه والزحمه والصحافه
وسوو لهم زحمه قالو المنظهر العام
الا البيئه
والاجنبي عايش والسبب انه يتعامل في صمت
يعني على ماقالو مايعلم(على شحم)!!

بواسطة : ساخر الفيفي
 5  0  1226
جميع الأوقات بتوقيت جرينتش +3 ساعات. الوقت الآن هو 08:59 صباحًا الخميس 9 ربيع الأول 1438 / 8 ديسمبر 2016.