• ×

09:06 صباحًا , الأحد 5 ربيع الأول 1438 / 4 ديسمبر 2016

مواعد المسؤولين

زيادة حجم الخط مسح إنقاص حجم الخط
مواعيد الماسولين
=======================


صبعاً حنا قلنا الماسولين لأنهم عادة يربطون غيرهم بمواعيدهم
ويلطعون الناس ويخلونهم يكثرون من التلفت شمال ويمين
ويكثرون من الهمس (الظاهر موبجاي)(طول)(كان سهران البارح)!!
وهذي حمى منتشره في بلادنا الحبيبه !!
وإلى الآن لم نتوصل الى مصل مضاد لهذه الحمى
فمن أهم مواصفات الماسول سواء كان كبيراً أو صغيراً
عدم الحضور على المواعيد في اوقاتها المعتمده!!
وتنقيع وزرع ولطع الآخرين
يعني إن كان على موعد عمل أو مدعوا لمناسبه لاسمح الله
كل ماسول حسب حجمه فمنهم من يتأخر ساعه ومنهم من يتاخر ساعتين
ومنهم من يصل تأخيره الى أجل غير مسمى
ومنهم من يرسل من ينوب عنه في اللحضات الاخيره
ومنهم اللي ما عاد تشوف رقعة وجهه
وعلى ما قال الشاعر:
ماعادهوبجاي
دريت انه ماعاد هو بجاي
وجيت الموعد لحالي
اسلي نفسي بالفيحاس
افكر في اعز الناس
وزلت حزته ما جا
إلى آخر ما قال الشاعر
الله يرجك ياعبادي تقول إنه جالس معنا ذيك اليوم!!
وعلى العموم هذي نسميها لطعه بكل لغات العالم
لا وعاد يجونك في الدوام وما ادراك ما الدوام
تجي الصبح تبي تخلص معاملتك بدري
يقولون لك الراس الكبير ما يداوم إلا الساعه 10
وإذا جيت بعد الساعه 10 يقولون لك توه طلع راح إجتماع
يعني يبغى لك تجي في الوقت السحري
ما بين عشرة الدوام وعشرة الطلوع!!
وأقول إن هذا سر ما يعرفه غير الماسولين
فمتى ما وصل المواطن الى درجه من الماسوليه
تعلم كيف يلطع الآخرين

يالو أكون ماسول ولو ماسول من الحجم الصغير
إن ما وريتكم نجوم القايله ووريتكم اللطعات

بواسطة : ساخر الفيفي
 4  0  1086
جميع الأوقات بتوقيت جرينتش +3 ساعات. الوقت الآن هو 09:06 صباحًا الأحد 5 ربيع الأول 1438 / 4 ديسمبر 2016.