• ×

04:08 صباحًا , السبت 11 ربيع الأول 1438 / 10 ديسمبر 2016

درس .. يدرس .. دراسه

زيادة حجم الخط مسح إنقاص حجم الخط
درس .. يدرس .. دراسه
===============

تصدقون إني متفاءل نطلع نكشت وراء سطح القمر
وإلا جهت المريخ وزحل .. وللمعلوميه زحل ماخوذ من الزحلطه
إي ومو من راسي سالفة روحتنا لما وراء القمر.. لا
على ما قال الشاعر الكتاب باين من عنوانه
السبب التعليم الدراسة وياماشالله
عندنا الدراسة شغاله على ودنو
عاد تخيل تشوف لك 150 شايب
ومو محو اميه لا كلهم دكاتره ومهندسين
وبرفوسورات ( والله مدري هي كذا تنكتب)
وكلهم يدرسون.. إي ولا تقولون إني كذاب
ابد إن شاء الله إني محشوم من الكذب
وعشان تصدقوني شوفوا جلسات مجلس الشورى
وصورهم طبعاً تصوير بس لكن وش يقولون ما أحد يدري
العلم عند الله ولكن على ذمة الجرايد
من اول ماتشتري الجريده والاتفتح الاخبار
على طول اول خبر يطلع بعد الجلسه.. وشهو
يقولون درس مجلس الشورى
بالرغم ما يحتاجون يدرسون عشان نقول مثلاً ترقيه !!!
لكن خلاص ذا شي هم متعودين عليه
وصرت كمان انا من اول ما اسمع الاخبار واقرا في الجرايد
يقولون مجلس الشورى درس عاد تصدقون إني افرح
ومو أنا وبس لا والله كلنا الشعب السعودي نفرح
ومن فرحتنا ماغير نهذري ونسولف
مجلس الشورى بيدرس إلا درس
وعاد تصدقون إن من زود اهتمامهم يدرسون حتى اشياء من فوق
بس اللي محيرني ما قد سمعتهم يقولون نجحوا!!!
واتوقع انهم يرسبون عشان ما قد شفنا نتيجه لدراساتهم
ومن منطلق الدراسه وسياسة الدراسه وفوائدها
هنا بإمكانك إن احتجت تفقع قلب احد إن سألك عن شي
قول له بأدرس الوضع واشوف
وهذي تصلح تفقع بها قلب ام العوال مثلاً!!!!
إذا قالت لك ابغى كذا وكذا
قل لها بأدرس واشوف وخل دراستك مثل دراسة الربع
وعشان تقتنعون إن الدراسة لها فوايد وخاصة في السعوديه
اولها تمغط بالعالم والله باقي ندرس
واللي يدرس ما يلحقه حرج


والدليل القاطع إن الدراسه تصريفه
وعشان تتاكدون اكثر
أبسألكم
إذا راح واحد يخطب عند ناس ويبون يصرفونه
وش يقولون له

(يقولون له .. باقي البنت تدرس)

بواسطة : ساخر الفيفي
 6  0  1037
جميع الأوقات بتوقيت جرينتش +3 ساعات. الوقت الآن هو 04:08 صباحًا السبت 11 ربيع الأول 1438 / 10 ديسمبر 2016.