• ×

03:10 صباحًا , الخميس 9 ربيع الأول 1438 / 8 ديسمبر 2016

وقفة على خمبقة التعليم!

زيادة حجم الخط مسح إنقاص حجم الخط
وقفه على خمبقة التعليم
=======================

مثل ما قلنا لكم في الإعلان عن ماضوعنا لهالاسبوع
وقفه على خمبقة التعليم

السالفه وما فيها الله يسلمكم
أخوكم ساخر يقول إن في خمبقه في التعليم
في قرارات تصدر ولكن ضررها اكثر من فايدتها
يجيك الماسول يعطي قرار يظر ينفع مو مهم
المهم قرار وبس
وش نتايجه خلي ولي ما في مشكله
الحاصل قالوا لازم عوالنا يتعلمون العنقليزي
وذا شي طيب أقل شي يعرف وش يقول الهندي!!
فصدر امر تعليم هالماده من رابع ابتدائي
ولحد الآن نقول مافي مشكله في التعليم من رابع
لكن المشكله في طريقة التنفيذ للقرار
وادري ياماشاء الله على وزير التعليم موبهين
فالحاصل قالوا القرار ينفذ على دفعات عشان
لا تغص المدارس ومدارسنا ماتتحمل دبيك العنقليزي وممكن الإجار يرتفع !!
وعشان امريكا ما يعرفون إلا هالعنقليزي وخايفين يكون الإجار بالدولار!!
فجا القرار مثل ما قلنا ومثل ما انتم شايفين
يدرسونه في مدارس ومدارس يمسكون سرى!!!
إي مو بزين يتعلمون كلهم سوى
فخذوا من كل مدينه كم مدرسه
لكن هلحين ساخر يقول هنا في مشكله
الحين تلقى طلاب من رابع ابتدائي
يدرسون هالعنقليزي وطلاب لا
طيب السنه الجايه يطبق في مجموعه ثانيه من المدارس
شوي يلتقون هاللي درس من رابع
وخوينا اللي ما جاه نصيب في العنقليزي
ولا طبها إلا في سادس او في واسط متوسط
يجيك واحد على ما قالوا بلبل
وواحد توه يتعلم الحروف ويتهجا
أكيد لاجا إختبار ولا كم سبحان الله
اللي دارس من رابع بينطلق وذا ما غير فاغر !!!
الله لا يجعلنا وياكم من الفاغرين
ما غير يطالع في خويه وش يقول ما يدري
هااااااااا ذي لها مردود على مستوى الطالب التعليمي والنفسي
وما ينلام لا تعقد هو ممتاز لكن جاه واحد متعلم
من سنتين والا ثلاث وهو توه مثل ما قلنا يتهجا
وذا يعرف كل شي من دون اي تردد
اكيد بتكون نتيجه سلبيه على مستواه
وعلى محصلته النهائيه آخر السنه
ذا ممكن يسبب له هالعنقليزي نقص في معدل الدرجات
وفي التفوق وإحباط ومو ممكن إلا اكيد
وشي طبيعي تدرس مع واحد في فصل
ذا مبدع وانت ودك تنافسه لكن ما باليد حيله
لا وتلقى بعض الناس يقول الحمد لله ولدي ما عندهم انجليزي!!!
أي ما عليه هين خله يلقى ولد جيرانكم في اول متوسط
الحاصل هلحين منهو المسوؤل عن اخفاق هالطالب
وتقدم الطلاب عليه ومن بيخلصه من عقدة
نظرته لنفسه بين زملاه وهم متقنين وهو من جنبها
ومو في نفس الماده بس
لا تخيل توه منتهي من العنقليزي وبعدها رياضيات
ونفسيته متحطمه من هالقروشه وشلون بيكون استيعابه
أكيد بيكون مخه مشتت وحالته حاله
فما ادري وش النتيجه الإيجابيه اللي شافها الماسولين
من تقسيط التعليم في هالماده
حتى تنفذ بهذي الطريقه
حنا ما قلنا شي وزارة لها نظرتها
لكن كمان ساخر له نظرته

لكن باقول لكم ولا تعلمون
الظاهر إن عذرهم على ما سمعت ما في مدرسين كفايه

فلو تمت الدراسه السليمه وتوفير المدرسين
وتدشين الماده (حلوه تدشين)!!!
في جميع المدارس دفعه واحده اكيد بيحصل تكافئ في الانساب
عفواً ما عليش قصدي تكافئ في التعليم
ذا علمنا و السلام

بواسطة : ساخر الفيفي
 6  0  1210
جميع الأوقات بتوقيت جرينتش +3 ساعات. الوقت الآن هو 03:10 صباحًا الخميس 9 ربيع الأول 1438 / 8 ديسمبر 2016.