• ×

12:23 صباحًا , السبت 11 ربيع الأول 1438 / 10 ديسمبر 2016

غدر الأحباب

زيادة حجم الخط مسح إنقاص حجم الخط
غدر الأحباب




البارحه يالربع في صمت وسكات = والفكر سرحان وياكثر سجاته
فأمر الغدر اللي يشكل عصابات = وكن الوفا أعمى يدور عصاته
والمشكله أن الغدر فيه اختلافات = كثروا هـــله لا وكثروا حماته
بعض العرب تلقابه انواع فزعات = ياهي كثيره مع خويه فزعاته
لكن يطعن فظهره بالإشاعات = أيــهم في تشويه سمعة خواته
والبعض تلقابه ضحك وابتسامات = واليا غفلت عنه يضحك شماته
يتفاخر بنفسه ويزود إســاءات = ويحسب انك غافلن عن سواته
لا والبلا لو شاف عندك قريشات = يسوي يواة الأخ لا يــاجراته
ولو كنت طفرانن يجازيك صدات = هـــذا خوي المصلحه يادهاته
يــاكم نــاسن صادفوني بالميات = كلن يرفع لجل قرشين ضحكاته
ماضقت فيهم لا ولاحس غبنات = وكل فعلن منهم عــــل عماته
بس الغبينه غدر الاحباب بالذات = ياكم وفي الغدر دمر حياته
شفني سواة اللي يعيش فـ متاهات = أتوه في دربي ولااعرف جهاته
بسباب خلن من محبته اقتات = واليا ضميت اشرب من الحب ذاته
يـــاما سهر طرفي عشانه ولابات = وهو مريحن هانين في مباته
لكن غدرني والقلب اصبح فتات = ومكتفى جاله واحرق فتاته
قمت اساله بعد التالم والآهات = يالخــل ليه الغدر وشهي دعاته
جاوب اجابه شامله للاجابات = قال الوفا عندي قد اعلن وفاته
قلت الوفا عايش ولاظن قد مات = لكن ماتت فـ الخلايق ثقاته
لانه نظر ذيك العهود الوثيقات = ثم شـــاف غدرك وانت تعلن مماته

 9  0  1309
جميع الأوقات بتوقيت جرينتش +3 ساعات. الوقت الآن هو 12:23 صباحًا السبت 11 ربيع الأول 1438 / 10 ديسمبر 2016.