• ×

12:41 مساءً , الجمعة 10 ربيع الأول 1438 / 9 ديسمبر 2016

الوالدة

زيادة حجم الخط مسح إنقاص حجم الخط

يالله ياباني صخور الهايدة = ياباسط الصحرى وخالق نوقها

ما جا يكفيني وكف الزايدة =وأنت خالقها وانا مخلوقها

أنا من الحزن عيوني ساهدة =وتوقفت شراييني وعروقها


باحت ضنوني والمشاعر حاشدة =ضاقت دروبي وانقفل صندوقها


أبيت سهران(ن)حتى للواحدة =والعين تسهر ما تهنى موقها


وعفت من زادي وعفت المايدة =ولقمتي مره معد أذوقها


ظروفنا أسبابها متزايدة =ياالله تسهلها وتكسر طوقها


الوالدة لها سنين (ن)قاعدة =على فراش الموت والله فوقها


سريرها تكسرت حدايده =والموت تسبقه وهو سبوقها


والدم متوقف والقلب قايده =كل المنايا داعية بحلوقها


ياالله ترحمها برحمه زايدة =تشفي بها يدها وتشفي سوقها


ورحمة المخلوق من عوايده =والعافية عنده وهو يسوقها


كانت مصليه وكانت عابده =وتصوم أيام اللظى بحروقها


جيرانها على جمايلها شاهدة =يشوقها معروفها يشوقها


والوالدة لها حقوق(ن) واجدة =ثم النبي أوصى بكل حقوقها


محد قدر يوفي بحق الوالدة= في مغرب الدنيا ولا بشروقها


كسب الرضى منها يجي بالفايدة= والخير كل الخير في منطوقها


من عندها تجيك شربه باردة= هي نخلة(ن)تجود لك بعذوقها


هي مدرسه تعطيك كلمه راشدة =هي عاشقةوأنت أنت معشوقها


لاجلك تحملت أمور كايدة =وتحملت شمس السما وبروقها


متحمله عسر الحياه ومكابده =ما همها مجموعها وفروقها


ما همها الزمن ولا شدايده =واللي يروق بخاطرك يروقها


وختامها لمن زادت حمايده= صلاة من ربي يسبق سبوقها



 6  0  916
جميع الأوقات بتوقيت جرينتش +3 ساعات. الوقت الآن هو 12:41 مساءً الجمعة 10 ربيع الأول 1438 / 9 ديسمبر 2016.