• ×

02:12 صباحًا , السبت 11 ربيع الأول 1438 / 10 ديسمبر 2016

(الأمة بعد غزه )

زيادة حجم الخط مسح إنقاص حجم الخط

أواه يا الأمه بعد غزه ضاع =الأمل والحال يرثى له

صهيون تقتلنا وتتنزه = تقتل مواطنا وتغتاله

والطائرات اللي لها هزه = تدك راعي البيت وعياله

غزتنا تستنجد وتتوزا= وتخاطب المليار وامواله

ولا مجيبٍ ينشد العزه = ولا شهادة حق في باله

وضعٍ يجز القلب ويحزه = ويزود احمالٍ على احماله

يا أمة البنطال والبزه = قلدتم الكافر في بنطاله

وكروشكم كبرت من المزه =ومن شراب البيبسي والكاله

والعدو يتربى ويتبزا =باحضانم والأمن يعطى له

ثم وقف عدوان وارتزا= عداوةٍ حتى من اطفاله

يالله لا تعيدها من حزه =المسلم تقطعت احباله

ماينصر المسلم ولا يعزه = إلا عليمٍ يعرف احواله

ولايضيقه ولايلزه =إلا معاصيه واعماله

وبعدها يندم ويتخزا = يضرب بيمناهُ على اشماله

وبعضهم يقول لك طزه = الحرب هذا مالك وماله

قلت الذي يفز له فزه =نوعٍ من الجهاد وامثاله

خلك مجاهد والقلب كزه =يصل لهذا الوضع والحاله

واما صحي لك شله وجزه = واعطه وحوش الغاب تشتاله

هذي صفات البط والوزه = لشافت الجارح في مقباله

أما صفات المؤمن منزه = ماانساه طربوشه ولاعقاله

مشاعره دوام مهتزه = مشاكل الأمه على باله

هذا جهادي ياأهل غزه =جهاد شاعر جاد باقواله


 5  1  1074
جميع الأوقات بتوقيت جرينتش +3 ساعات. الوقت الآن هو 02:12 صباحًا السبت 11 ربيع الأول 1438 / 10 ديسمبر 2016.