• ×

03:08 صباحًا , الخميس 9 ربيع الأول 1438 / 8 ديسمبر 2016

تبغى تشوف الذل في صورته صح.

زيادة حجم الخط مسح إنقاص حجم الخط
سلمان قاسم الفيفي ـ في ملحمة شعرية ـ تأثراً بما حدث في غزة .
في عصر من نفسه على الذل تشطح=في عام نصرة مغضب الله والضال في عهد من يجمع على العز يكبح=في اليوم الاسود في زمن سود الاعمال عاينت في غزة والافكار تجمح=متنقّله مابين هزه و زلزال والفكر بالنظره يشاهد ويسرح=أخذت لي معْ رحلة الفكر ترحال شفت الغدر والجبن والضعف والشح=والاستكانه والخذيله والاهمال شفت القهر يَدفن ويُحرق ويجرح=ويقطّع اجساد البشر عدة اوصال شفت الحجاره في يديّ طفل,والمح=صاروخ مقبل,قلت هذي على جال في صفحة التاريخ للي تصفّح=صورة تترجم موقف ابطال وانذال وشلون شعبٍ دون تسليح يصبح=في وجه قوه لامها يتبع الذال شف الاباتشي كيف تسرح وتمرح=تكشف,تصور,تقصف اطفال..تختال طراز أف سطّاعش اسراب تسبح=لها على السكان روحه ومقبال تقذف صواريخٍ على من يسبّح=لله ويكبّر على عز واجلال وكاسحات الغام والباقي افضح=سحابة الفسفور في كل منزال وقنابلٍ عنقوديه فوق الاسطح=في الحوش والشارع تحت وطأ الاشبال سفنٍ..زوارق كل شيئٍّ مصفّح=هذي الحقيقه مابها شك وجدال ترسانة المحتل تجمع وتطرح=والكنقرس يرسل على انواع واشكال وفوق هذا ريحة الخبث تنفح=من تل أبيب ومن بدن كل تمثال من اجل هذا ننظر الدم يطفح=من شان هذا شايفين الدمع سال شعبٍ على التعذيب يمسي ويصبح=وين الشقيق ونخوة العم والخال شعبٍ بلا ذنب يحاصر ويذبح=لابه دواء لاعيش لاماء لامال حتى الذي وده عن الظلم ينزح=يبقى مكبّل بالسلاسل والاغلال معبر رفح مقفل وممنوع يفتح=لا منه مخراجٍ ولا منه مدخال مسرح جريمة! أيّ جرمٍ ومسرح!؟=إلا بشاعه ما تجي لك على بال الدم يهدر والقنوات تنجح=في البث لو ينفع مع الناس الارسال مظاهراتٍ عيّت الليل تُمرح=تنخى,تنادي, من غدى خلف الاقفال نفوس عطشانه لغزه وتطمح=تشرب حقيقه وارتوت باشهب اللاّل يا كثر لوحاتٍ نراها تلوّح=حنا مع غزة على كل منوال كم مؤتمر كم شعر كم صوت يصدح=في شجب واستنكار وخبال واهبال وين الأوايل يازمن احك وافصح=وين المحبين الغيورين الابطال الطاولة حرقت..هنا يازمن صُح=صيحة تقول للغافلين الزمن طال واعطالنا باقي تناقش وتُطرح=في مجلس الباطل لتصليح الاعطال هل من صلاح أو صالحٍ وإلا مصلح=بعد صلاح الدين يصلح للاجيال أمّا بهذا العصر ما ظن نفرح=لا والذي نزل تبارك والانفال حتى لو ان العدو للسلم يجنح=بكره يعود..الحقد وشلون ينشال تكفى يا ابو متعب هقاويك تُمدح=شهمٍ وفيٍّ شاجعٍ مضرب امثال غزه تنادي بسمنا ما تلمّح=يا ديرة ابن العاص ياروضة ابلال يا موطن التوحيد يالسيف الاملح=يالحر ابو متعب ويا شعب الاقبال تكفون وقفه .. دافع الظلم يربح=في موقفه يوم القيامه والاهوال وصُوتنا مع صوت غزه مرشّح=صوتٍ موحّد يطلب الحل بسآل نبغى زناد الحق بالحق يقدح=شعبك يبي يوقف على تلك الاطلال يالحر بوشاح العروبه توشّح=وانت لها وان صعبت..الرب حلاّل قل للغرب دميّ غلا..ايه صرّح=قل للعرب ما تحتمل بعض الاحمال والحمل معروفٍ والاحداث تشرح=من شاف غزة قال وش عاد ينقال في ظهرها طعنات والعلم الارجح=ثلاث يجمعها الزمن بسم محتال في صدرها تفجير سطوة مسلّح=مجتاح..مستهتر بالارواح..مغتال عل وجهها للدم بركة ومسبح=والشعب في الدم يسبح اميال واميال لمّا نظرت الارض بالدم تنضح=ذكرت هذا البيت في شين الافعال <<تبغى تشوف الذل في صورته صح=شف دمعة الفرقى على خد رجال>> بيتٍ جزل لاشك ما عاد يصلح=وقته تغيّر والبشر صاروا ابدال واذا الشعر يقبل وراعيه يسمح=فانا على ما شفت من سوء الاحوال أبقيت صدره والعجز قلت له رح=الحال ما عاده على مثلما قال <<تبغى تشوف الذل في صورته صح>>=شوف العرب وانظر لغزة والاطفال فعلٍ قبيح وردة الفعل اقبح=هذا هو الذل الحقيقي والاذلال في صورته واضح بشكلٍ موضّح=حتى الذي ماله عقل يعرف الحال

 10  2  1834
جميع الأوقات بتوقيت جرينتش +3 ساعات. الوقت الآن هو 03:08 صباحًا الخميس 9 ربيع الأول 1438 / 8 ديسمبر 2016.