ديوان الأدباء

أنا فيفي والا مالكي .. وش رايكم يا أخوان ؟

قصيدة الشاعر جمال المالكي والتي القاها في حفل تكريم الاستاذ محمد بن حسن آل وعالة في محافظة جدة مساء الجمعة الماضي .

جمال المالكي يلقي سـلام الواحـد الديـان

إله الخلـق‎ ‎سبحانـه ورازقهـا ومحييهـا

سلام الله وتسليمه عدد مـا هلـت الأمـزان

علـى رجـالٍ مطاليـقٍ أقدرهـا وأغليهـا

أبمشي سرعة الطبلون اذا ما كان بالإمكـان

وانا سواق والسرعه قسم بالله مـا اهديهـا

معي في خاطري قصه تغشت كامل الوجدان

وانا لا قلـت ابشرحهـا تتوهنـي موانيهـا

قضيه شايكه والمشكله تقرا علـى الميـدان

وابي كلٍ يِعَـرف السالفـه ثمـن يجاريهـا

أنا من عام ألف واربَعِمْيَـه يالربـع لـلآن

أحاول أفهـم القصـه واترجمهـا وازكيهـا

أنا فيفي وإلا مالكي وش رايكم يـا اخـوان

أبي نعرف حقيقتها وندخـل فـي معانيهـا

لأن المالكي ينسب إلى الفيفي بعض أحيـان

كذا الفيفي يِنِسبونه إلـى مالـك وماضيهـا

وْبعَضهم يحسب ان المالكي فيفي نسب جدان

وْبعَضهم يحسب انها تسمية ديره ربى فيهـا

أنا باقول قولٍ و اعتذر لو كنت به غلطـان

وذي وجهة نظر ياليت غيري مـا يعاديهـا

بني مالك وفيفا كلهم من ماضـي الأزمـان

كما العينين والعينيـن مـا تقـدر تخليهـا

بني مالك وفيفا حصن مبني محكم السيسان

على درب المكارم والوفا كثـرت خطاويهـا

بني مالك وفيفا سيف لا يسلـب ولا ينهـان

رجالٍ ما تهاب الحـرب لا شافـت معاديهـا

بني مالك وفيفا كلهم مـن داعيـة خـولان

مثِل شمس الضحى تشرق ومن يقدر يغطيها

بني مالك وفيفا منبع اهل الطيب والشيخـان

وهم عزوة بني يعرب من اقصاهـا لدانيهـا

وسام الجود في فيفا وسيف العز في طـلان

وانا مـن منبـري هـذا أرددهـا واغنيهـا

بني مالك وفيفا ديـرة الوافيـن والشجعـان

تسد سيوفهم جـوع الذيـاب ودم تسقيهـا

رجالٍ تفهم الكلمـه وتبنيهـا علـى الأوزان

لها كلمه كذا مـن جدهـا ترفـض تثنيهـا

على ذيك الجبال اللي بها الأحباب والخـلان

تربينـا علـى عـادات والله مـا نخليهـا

تربينا على العفة على الطيبة على الإحسان

على حب الرجال اللي تنومسهـا مواضيهـا

هناك دروسنا ماجت بلاش ولا هي بمجـان

هناك دروسنـا جبـالٍ نسخرهـا ونمشيهـا

وصلنا في غلاوة أرضنا إلمستوى الإدمـان

وفـا وادماننـا عـز و مشاعرنـا نبدِّيهـا

بها نحيا حياة انسان ما يشبه بني الإنسـان

بها نبني حضارة مشرقـة تسمـو مبانيهـا

لأن النفس ما ترقى بدفع المـال والأثمـان

ولا تصبح عزيزة لا استمالتهـا معاصيهـا

هنا وقت النتيجه قلتهـا بالفـل والريحـان

بعممها لخلق الله وأنـا الكاتـب وراويهـا

أنا لا قالوا اني مالكي أفخر وانـا الكسبـان

وانا لقمة جبـل فيفـا مواطنهـا وفيفيهـا

لأنا يالربع واحد بنفـس اوصافنـا اخـوان

وعادتنا وطنختنا حشا مـا احنـا نخليهـا

قضيه قلتها مسرع وآسف لو حصل نقصان

لأن السرعة اللي جات من صغري ما اهديها

قسم بالله واكررها وهي من أغلـظ الأيمـان

بـأنْ فيفـا بأكملهـا قبيلـة نفتخـر فيهـا

‫3 تعليقات

اترك رداً على اليهنوي إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

شاهد أيضاً

إغلاق
إغلاق
إغلاق
%d مدونون معجبون بهذه: