ديوان الأدباء

قصيدة الشاعر سالم المشنوي في حفل الشيخ زاهر مسعود الفيفي

صحيفة فيفاء ـ خميس مشيط

ابتدي بسم العليم اللي خلق كل الوجودي
من خلق سبع  وجغل فيها النجوم المستنيره
وللحفل واهل الحفل . سلام من ربن ودودي
والتحيه للجميع ازكى من الورد وعبيره
وعل شفيع الخلق اصلي يا عسى حوضه نرودي
صل يا سامع عساك تكون فالجنه جويره
جيت عل دعوه كريمه عطرها ندن وعودي
من مقام الشيخ زاهر حي داعيه وبشيره
ناصلك يا شيخ ما من بعد مرسولك قعودي
حق لك والله علينا لو على الساق الجبيره
ولمقامك بشهد وكل البشر بعدي شهودي
بانكم للجود دوله  والوفى انتم سفيره
وانك في كل المواقف بالكرم كفك يرودي
وفالامور المدلهمه كالاسد تسمع زأيره
يا عسى عمرك طويل ويا عسى خيرك يزودي
ويا عسى دايم بقصر المرجله رمزه واميره
وللعريس نقول الف مبروك مع باقة ورودي
ونطلب الله بانه يجمعهم على خير وستيره
وعل لسان الشيخ زاهر قلت يا حي الوفودي
حي منهو شرف المحفل ويا حيا مسيره
وارحبو ثم ارحبو ثم ارحبو فوق الجعودي
عد ما تنشى الغمام وهلت امزونن غزيره
يبرق الترحيب والتقدير هتانه يجودي
مثلما سيلن سرى واديه واتعالى هديره
والوطن يدعي هجوسي وقام للهاجس حشودي
قال ياشاعر تغنى بالوطن وابهج اثيره
قلت انا ي اغلى وطن كلّى وشعري لك ردودي
لو اخطك حبر بايامي وباقي العمر سيره
كلنا لجل الوطن فدوه عن احياضه نذودي
دار دين ودار امان وعز مكرمنا بخيره
وألله اكبر واعتلت راية شموخك يالسعودي
وراية التوحيد ترقى تعتلي درب المسيره
وبيرق اهل العز منه المزن براق ورعودي
من يمين اللي نصير الحق والمولى نصيره
الملك سلمان ابن عبدالعزيز ال السعودى
العرب عزت بعزك عشت يا صقر الجزيره
بالعزم والعدل والحكمه رقى القمه سنودي
والمصايب تصغر بعينه لو انها مستطيره
والشعب وثّق لملك المملكه كل العهودي
ومن سماه الله سميع وعالمن ما بالسريره
وشاش راسي يوم ردد جيشنا لحن الخلودي
يوم هلل يوم كبر مثلما جيش المغيره
يا حمات الدين والاوطان يا رمز الصمودي
انتم حصونه ودرعه وانتم احزام الذخيره
كم شهيدن يفتخر به كل شبرن بالحدودي
والوطن يفخر وتفخر كل ارض وكل ديره
ومن يعادي جيشنا يلقى الفعول اللي تكودي
ولو يطوف الارض ما يلقى مجيرن يستجيره
وبلغو طهران بان الكلب ما يقوى الفهودي
جيشنا بركان هادي لا يجرب يستثيره
ولردغان العلم لكن من يترجم للقرودي
يعلم ان السرك والعابه في الحلقه الاخيره
ومر يامرسول للدوحه وصح اللي رقودي
ومن صحى من سكرته قله يصحي لك شويره
وقله ان البير لو يكثر على ماه الورودي
وارده يروي ضماه وبعدها يكمل مسيره
وما يفيده لو دفع للكنقرس كل النقودي
ولا نيوز تحل امره او خنازير الجزيره
بلغه حكمه شهيره قالها شبل الاسودي
يوم يوصف مشكلتهم ..مشكله جدا صغيره
هذا ابن سلمان… اللي للعدو مر الكبودي
سيف ابوه اللي يسله للعدو وايضا شويره

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق
إغلاق