أخبار الناس

قصيدة الشاعر يحيى بن حسين الحربي

بمناسبة تنصيب الشيخ حسين بن محمد جابر شيخاً لقبيلة المشنوي بفيفاء

بسم الله الرحمن بأول فإلى
قبل القصيد وجرة الموالي

اسبحه واحمده وابدا باسمه
جل العظيم الخالق المتعالي

سلام ياللي حاضرين المحفل
تسليمتن فيها قدر وجلالي

هذا وانا شاعر وجتني دعوه
دعوه عزيزه من مقامن غالي

سامي ولد قاسم حزام الشده
نعم الخوي فالحل والترحالي

اليا دعيته ماتعذر مني
مقدمه برق وراعدن وخيالي

وذا موقفي وان كان ماني قده
أن جيت مجلس عدني فنجالي

ياهاجسي دوك القصيد وسره
الحمل حملي والجمال جمالي

وياالله عساني بالجمايل يالله
واسوق قيفان القصيد جزالي

اسوق لي شين يبيض وجهي
لاجات قيفان الشعر تختالي

وشلون ماتختال في ذا الموقف
لا والله ان تختال ذولا اخوالي

المشنوي خالي وطيبي منه
ذاتاج راسي غترتي وعقالي

أكبر من الجزلات واكبر مني
وأخير ممايدرج في بالي

في مدحهم ضاقت فجوج الدنيا
كسبو المكارم الأولى والتالي

ورثو المكارم كابرن عن كابر
ورث الجدود من الزمان الخالي

افعالهم تذكر ليوم الساعه
كرم شجاعه وقفة الإبطالي

أفعالهم ماهي كذا حيالله
زحول الرجال مزبنين الجالي

ولا قام كلن يفتخر في خاله
ماني بصفق يمنتي بشمالي

والليله الليله وريث امجاده
وريث مجد مو يقيل وقالي

الشيخ أبو فيصل حسين محمد
من نسل قومن غيثهم همالي

ماكبره بين الخلايق منصب
اليا كبر من طيبة الأفعالي

أنعم وأكرم شيخ قبل الشيخه
الكل يشهد مو انا بلحالي

ونشهد ويشهد للملا تاريخك
تاريخكم ماهو سراب اللالي

مكارمن تشهد قبل مانشهد
مثل البحر من جالن اليا جالي

ماهي غريبه كان جدك جابر
ريف الضعيف ومزبنن وظلالي

اسأل سنين الجوع كيف قزاعه
داره تركها للعرب منزالي

ومنهو بوقت الجوع شرع بابه
وقال الخلف عند الكريم الوالي

ومنهو السنين الغبر داره ملفي
الشيخ جابر ذا جواب سؤالي

يالله عسى قبره جنان وروضه
وجنبه ياربي لهيب الصالي

وابيك من عقبه نهج منهاجه
حرن كفخها للهبوب العالي

وقال المثل مامات منهو خلف
شمل المكارم ماثلن بقبالي

من دون نقصن فالقبايل لكن
سيرة كرمكم مضرب الأمثالي

شيخه كذا والا بليا منها
ولا خطيت في وصفي فذا معدالي

جيت امتدح من يستحقو مدحي
ماجيت ادور بالقصيد ريالي

ولا جيت ادور من قصيدي مكسب
مدحت مقاديم العرب تحلالي

لأن المدايح كل ابيها فيهم
من عادها مابين مر وحالي

وخوالي اللي فالشدايد عزوه
ان مالت كتوفي بثقل إحمالي

ماخاف من جور الزمان وغدره
درعي حزامي لاتبدل حالي

يشوش راسي لاطرا طاريهم
وازها لشعري والشعر يزهالي

وياجعل منهو لامني فخوالي
فدوة خوالي الأولى والتالي

 

🖋الشاعر : يحيى بن حسين الحربي

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق